MERKEZÊ XEBERAN - Îtalya ke serê serre ra heta 7ê Teşrîna Peyêne 103 cinî ameyî qetilkerdiş, 100 hezar cinî vejîyayî kuçeyan û hemverê şîdetî rayrayîş kerdî.

 

Îtalya de bi hezaran cinî vejîyayî meydanan û hemverê şîdetî rayrayîş kerdî. Rayrayîşo ke rayberîya Înîsiyatîfê Non Una dî Meno (Ma do yew zî kêm nêbê) de ame organîzekerdiş. Rayrayîş ke meydanê  Roma yê qelebalix ame destpêkerdiş, heta Meydanê San Gîovannî de dewam kerd.

 

'Ma wazenê biciwîyê'

 

Rayrayîş de şîdetê ke cinîyan rê yeno kerdiş, ame şermezarkerdiş û vengdayîş hukmatî rê ame kerdiş ke semedê cinî bêrê pawitiş, bikewo tevger.

 

Cinîyan pêwa sloganê, "Ma wazenê bicieîyê" zingilê destê xo dayî piro. Sewbîna çalakgeran ard ziwan ke serdemê Covîd -19 de şîdetê cinîyan yeno kerdiş tewr zêde bîyo.

 

100 hezar kes tewrê rayrayîş bi 

 

Dimayê ke şan de bi, cinîyan mumê ke verê xo de ardibî vistî ta. Goreyê kesê ke rayrayîş organîzekerdê tewr tay  100 hezar cinî tewrê rayrayîşî bî.

 

103 cinî ameyê qetilkerdiş 

 

Goreyê dayeyê raporî emnîyetê Îtalyayî, serê serre heta 7ê teşrîna peyêne 103 cinî ameyê qetilkerdiş û nê qetilkerdişan ra 87ê xo netîceyê şîdetê keye de ameyo kerdiş.