STENBOL - Rojnamegere Neşe Îdîl ke çapemenîya dîjîtal de hetê nîjadperestan ra hedef ameye girewtiş, bi kiştiş û tecawuz ameye tehdîtkerdiş. Neşeye vat, do serdayîşê sucî bikero.

 

Menga tebaxe de leşkerê DYAyî efxanîstan ra xo antî û Talîban rê verdayî. Dimayê nê mulyecîyê Efxanî ameyî Tirkîya. O wext sîyasetmedarêk serê çapemenîya dîjîtalî de parekerdişêk hemverê multecîyan pare kerd. Rojnamegere Neşe Îdîl ke reaksîyon vera nê parekerdişî da, dimayê nê bi hawayêke sîstematîk mesajê tehdîd, tacîz û lîncî ci rê ameyî şawitişî. Sewbîna Gebeze de zî cinîya bi nameyê Ayşegul Aydin hetê kesê bi nameyê A.M ra amebî tecawuzkerdiş û 4 mengî dima nêweşxane de amebî dermankerdiş, dinyaya xo bedilna. Neşe semedê parekerdişê Ayşegule zî hedef amebî girewtiş. Hîn hesabê çapemenîya komelî ke tehdîdê tecawuzî Neşe rê kerdî, Neşe dîyar kerd ke do muracatê sucî bikero û çîyê ke cuyaya ajansê ma rê qal kerd.

 

Tehdîd kerdî

 

Neşe dîyar kerd dimayê ke reaksîyon vera siyasetmedêk ke derheqê multecîyan de hedef girewto daya, ameya lînçkerdiş û wina vat: “Hemverê multecîyan nîjadperestî zaf zêde bîyo. Parekerdişê babeta vatişî de multecî esas bî. Mi zî vat, ez multecîyan ra aciz nêbena û mi qalê nîjadperestîyê ci kerd. Dimayê nê lînç dest pêkerd. Mi derheqê nê de muracatê sucî kerd. La nika nêzana kam ci sewîye de yo.”

 

‘Tirkîya de qirkerdişê cinîyan esto’

 

Neşe dîyar kerd ke dimayê cinîya Efxan A.M ya ke 12ê temmuze de Gebze de bi hewldayîşê hêrişê cinsî dir ameya rî bi rî, Ayşegule dinyaya xo bedilnaya û wina vat: “Vatişê sey, ‘Ma welat de multecîyan nêwazenê, multecîyan derb bikerê’ bî sebebê nîjadperestî. Nokteyo ke ez îtîraz kena, oyo ke Tirkîya de qirkerdişê cinîyan esto û serê nasnameyê gumanbarî de vinderteyê. Tirkîya de her roje cinî yenê qetilkerdiş, la bi argumanê ke vejê teberê welatî de nînê rî bi rî. No bi Tirkîya nîno pakkerdiş. Ganî bi Efxanan zî nêro pakkerdiş. Mi vatêne no şaş o. Serê nê de reyna lînç ame destpêkerdiş.”

 

Semedê fikrê ci hedef ameye girewtiş

 

Neşe tewr peyîn nê vat: “Semedê fikrê xo bi hêrişê nîjadepersetî û cinsperestî dir ameya rî bi rî. Werte de yo ke ez kam a, ça xebityena. Nê kesê ke mesaj şawitê beno ke metro yan zî otobuse de vejîyê vernîya mi. Xora cinî cayêk bêasayîş de ciwîyenê. Mi tena fikrê xo îfade kerd. Semedo ke kes nêeşkeno mi muhakeme bikero û nê hêrişî nînê qebulkerdiş. No lînco ke yeno kerdiş, ez nêeşkena nêvînî. Ma welatêk winasî de rojnameger ê. Ez bi endîşeyîn a. Çi heyf nê cuyena. Reyan vana ameyo xovîrrakerdiş la reyna anê vîr.  Yanî nîşan da ke nêameyo xovîrrakerdiş. Ez sey hedef cayêk de vindena.”