ANQARA - Bi goreyê bîlançoya şîdetî yê menga Teşrîna Peyîne 33 cinî amêyî qetilkerdene, 25 cinî bi şik dinyaya xo bedilnayî. Cinî wext o wazenê mêrdan xora veradê yenê qetilkerdiş. Sey nînan bêmabên zafêr qetilkerdişê cinîyan Stenbol o. 

 

Polîtîkayê bêcezabîyayîşê bandurîye ra, vernîya kiştișê cinîyan keno a û bîlanço roj bi roje zafêr beno. Pêkerdişê Stenbolî ke bi qerarnameyê serekkomarî amebi feshkerdene, Daniştayî derheqê waştena ke wa betalkerdiș bêro vindertene qerar red bo û antișê qerarî yê peyserî bi gorey huqûqî vîna. Sey nînan Pakêta 5ine cesaretkerde ya 'Qanûnê derheqê bedilyayîșê hinî qanûnan û qanûna îcra û îflasî'  de di 30'ê Teşrîna Peyîne de, di rojname yo fermî de weşanîya û kewt vîyartbarî.

 

33 cinî ameyî qetilkerdiș 

 

Sey JINNEWS her menge ma xeberê weşanan ra deneyan arê danê û bi goreyî nê deneyan menga Teşrîna Peyîne de 33 cinî hetê mêrdan ra amê qetilkerdene û 25 tenî zî bi şik dinyaya xo bedilnayê. 3 cinî zî bi hewldayîşê qetilkerdişî ver rî bi rî mendê. Şirnexe de di cinîyan întixar kerd, 5 tûtan bi şik dinyaya xo bedilna. Tûtêke întîxar kerd û tûtêke zî rastê hewldayîşê qetilkerdene ame. 3 tûtî zî ameyî qetilkerdiş. Muhakeme de zî reyna sey her reyî seba gumanbaran ser warardişê cezayî da. 

 

Seba wazenê dest mêrdan ra veradê yenê qetilkerdișî 

 

Goreyî dayeyê ma arê dayê, na aşme de cîniyêk seba pêșnîyazîya ro yewbînî bêrê red kerd o, 4 cinîyan daraxê dest veradayene de bî, 7 cinî hetê mêrdan ra ke têkilîya înan bi yewbînan bî, cinîyê ke waşt dest mêrde ra verado, cinîyê ke waşt dest kulfet ra verado, cinîyê ke zî hetê mêrdeyê ko nas nêkerdêne ra amî qetilkerdişî. 

 

Stenbol şaristano ke zafêr cinî te de amey qetilkerdişî 

 

Sey nînan mêrdeyî hetê bandurîye ra yenê pawitene, hema hema pêro şaristanê Tirkîye de cinî yenê qetilkerdene û na aşme zî zafêr Stenbol û Îzmîrî de cinî amey qetilkerdișî.