ŞIRNEX - Meclîsê Cinîyan ê HDPyî yê Şirnexî û TJAyî derheqê Aysel Tugluk ke bi nêweşîya Demansî ya û pêwa raporê "Nêeşkena zîndan de bimano" zîndanê Tîpê Fyê Kandirayî de maneno de eşkerayî da. Eşkerayîya ame dayene de ame dîyarkerdiş ke qerarê ATKyî siyasî yê û Aysel Tugluk tena nîya.

 

Meclîsê Cinîyan Partîya Demokratîke ya Şaran (HDP) ya Şirnexî û Tevgerê Cinîyan ê Azadan (TJA), derheqê Aysel Tugluk ke bi nêweşîya Demansî (nêweşîya xovîrrakerdişî) ke pêwa raporê "Nêeşkena zîndan de bimano" Zîndanê Tîpê Fyê Kandirayî de yena tepiştiş, verê awanîya HDPyî ya qezaya Silopîyê Şirnexî de eşkerayî dayî çapemenî. Endamê Meclîsê Dayîkê Aştîye û xeylêk cinî tewrê eşkerayî bî. Eşkerayî de pankartê “Aysel Tûglûk rûmetê ma ya, ganî bêro veradayîş" ame akerdiş. Serê nameyê cinîyan eşkerayî hetê Hemsereka HDPyî ya Şirnexî Sabûha Akdag ra ameye wendiş.

 

Sabûha, ard vîr, Aysel Tûglûk ke Zîndanê Tîpê Fyê Kandirayî de yena tepiştiş û hetê avûkatanê ci ra ameyo eşkerakerdiş ke nêweşîya Demansî ci dir peyda bîyo. Sabuha wina vat: “Rayaumumî ra zî derbaz bi ke Tûgluke problemê weşîye ciwîyena; labelê îqtîdar çim û goşê xo padê. Goreyê raporê avûkatan semedê na nêweşî Tûglûke nêeşkena zîndan de bimnao. e di girtÎdehê de bimîne. Tûglûke zîndan de bî hema serrêke aye nêqedîyabi dayîka aye Hatûn Tûglûk dinyaya xo bedilnaye. Tûglûke demo ke zîndan ra semedê tewrê merasîmê cenaze bibo zî nijadperestan bi kerra û daran hêrîş kerd. Aysel Tûglûke zî bî şahidê nê serebûtan û heme caardişê hemverê cenazeya dayîka xo eşnawit. Nê hêrişan tesîrêk pîl serê Aysele de kerd."

 

'Vindertişê ATK sîyasî yo'

 

Sabûha dewam de wina vat: “Sey demê verê zî ma zanê vindertişê ATKyî vindertişêk sîyasî yo. Semedê nê zîndanan ra cenazeyê tepişteyê nêweşan vejênê. Sebebê nêweşîya Tûglûke yewin îqtîdar bi xo yo. Îqtîdaro ke sîyasetê merdiş û şerî keno, bi polîtîkayê xo yê lêşin hewl dano serê lingan de bimano. Bi tepiştiş û esîrgirewtişî wazenê ê cinîyan asteng bikerê û cinîyan bêvîr verdê."

 

'Aysel Tûglûk tena nîya' 

 

Sabûha tewr peyîn wina vat: “Aysel Tûglûk zî nê têkoşînî bi rûmet dewam kena. Ewro vatişê, ‘Semedê Aysel Tûglûk edaletî” yeno manaya pawitişê têkoşînê azadîya cinîyan. Ganî Aysel Tûglûk bêro veradayîş. Eke çîyêk bibo, berpirsyarê ci Wezîrê Dade bi xo yo. Ma tîya ra veng danê; Aysel Tûglûk tena nîya. Paşte aye de rêxistinêk xurtî yê cinîyan esto. Ma do bi yewî û paştdayîşê cinîyan sîyasetê ciwîyayîşî bipawê."

 

Eşkerayî bi sloganê, “Biciwîyo Xoverdayîşê Zîndanan" peynî bi.