STENBOL - Cinîyan cenazeya Garîbe Gezer ke seke bi şik zîndan de cuya xo bedilnaye, morg ra bi sloganê "Şehîdî Nêmirenê" girewtê.

 

Garîbe Gezer ke Zîndanê Kandirayî Humara 1ine ya Tîpê Fyî de tepişteye bî, bi îşkenceyêko sîstematîk û zehmet û dergûdila rî bi rî mendebî, vizêr bi hawayêke bi şik hucreya tede tebat kerdêne cuya xo bedilnaye.

 

Cinîyan cenazeyê Garîbe Gezer Nêweşxaneyê Dewlete ya Kocaelîye ra wedarit. Dadîyê Aştîye, Aktivîstê Hereketê Cinîyan ê Azadan (TJA), Îdarekerdoxê Komeleya Keyeyanê Tepişteyan û Îdarekerdoxê HDPyî û xeylêk rêxistinê cinîyan şî verê neweşxane û morgî. Cinîyan bi sloganê 'Şehîdî Nêmirenê' cenazeye wedarite.

 

Polîsan cinîyan ra vat, "şehîda çi, şehîd mehîd çin o" û waşt mudaxileyê cinîyan bikero. Labelê cinîyan înan goşdarî nêkerd û heta verê berê nêweşxaneyî sloganan berz kerdî û cenaze berdî teyaregehê Stenbolî. 

 

Cenaze do ewro qezaya Kerboranê Mêrdînî de bêro definkerdiş.