MERKEZÊ XEBERAN - Paştgirewtiş seba çalakîyê nobeta Meclîsê Keyeyê Şehîdan ê ke Berê Sêmalke de dayo destpêkerdişî roja 72yine de dewam kena. 

 

Dafikê hêzê taybetî yê çekdarî Partîya Demokratî ya Kurdistan (PDK) de, operasyonê teverê sînorê tirkîya de mabêne 28 û 29ê Tebaxa 2021î de, herêma Xalîfanî ya Herêma Kurdistanî ya Federalî, 5 endamê HPGyî dinyaya xo bedilnayî, yew înan ra birîndar bî, di endamê HPGyî sax xelas bî. Hêzê PDKyî ke cenazeyê endamê HPGyî desteser kerdî,109 rojî yo cenazeyan nêdanê keyeyanê înan.

 

Keyeyê ke wazenê Kantonê Cizîrî yê Vakur û Rojhelatê Sûrîye Berê Sînorê Sêmalka ra derbasê Herêma Kurdistanî bibê, hetê Hêzê PDKyî ra yenê astengkerdene. Dadîyê Aştîye û Keyeyê HPGyî Berê Sînorê Sêmalke de çadirî akerdî û dest bi nobete kerdê. Meclîsê Keyeyî Şehîdan ê Cizîrî ke seba cenazeyê Nesrîn Temira endamê YJA STARî ya û Yusif Îbrahim ke  HPGyî bigîrê Kantonê Cizîrî yê Vakur û Rojhelatê Sûrîye ameyê têhet, Berê Sînorî yê Sêmalke de çadirî akerdî û dest bi çalakîya nobete kerdî. Çalakîya nobeteya hetê keyeyan ra ameye destpêkerdiş roja 72yine de dewam kena. 

 

Pêroyin rojî seba çalakîyê nobete yê Berê Sînorê Sêmalke ra ameyê destpêkerdiş, serdanê paştgirewtişî yenê kerdiş, ver bi berê sînorî ra rayîrşîyayeyê girseyî ameyê tertibkerdiş. Vakur ra û Rojhelatê Sûrîye ra zaf sazgehî, rêxistinê sivîlî, partîyê sîyasî serdayîşê çalakîye kenê û nobete gênê. Dadîyan izah kerd ke heya cenazeyî nêrê girewtene do çalakîyê xo bidomnê.