AMED - Mîtîngê KESKî yê bi sloganê, “Ma nêeşkenê debara xo bikerê" Meydanê Îstasyonî yê Amedî dest pêkerd.

 

Bi rayberîya Konfedarasyonê Sendîkayê Kedkarê Temsîlkarî (KESK) ewro meydanê Îstasyonî yê qezaya Yenîşehîrê Amedî bi sloganê, “Ma nêeşkenê debara xo bikerê" mitîngêk yeno kerdiş. Pêkhateyê Platformê Ked û Demokrasî yê Amedî, Partiya Sosyalîstê Bindestan (ESP), Partîya Kedkaran ê Tirkîya (TÎP), Partiya Merdiman ê Azadan (PÎA), Partîya Komunîst ê Kurdîstanî (KKP), Hemserekê Partîya Demokratîke ya Şaran (HDP) ê yê bajarê Amedî Gulîstan Atasoy û Zeyyat Ceylan, Hemsereka Pêroyî yê Partîya Herêmê Demokratîk (DBP) Salîha Aydenîz, Tevgerê Cinîyan ê Azadan (TJA), partiyê sîyasî û rêxistinêû bajarê herême yê sey Amed, Mêrdîn, Riha, Sêrt, Êlih Meletî, Dîlok, Semsûr, Şirnex û Colêmêrgî zî beşdarê mîtîngî benê.

 

Meydanê mîtîngî de girse pankartê sey  “Ganî budçeyê têduşt bêro sepênayîş", “Feqîrî rê ney, bûdçeyêk têduşt wazenê", “Ma nêeşkenê debara xo bikerê” akerdî. Sewbîna sloganê sey, "Biciwîyo têkoşînê ma yê bi rûmet”, “Biciwîyo xoverdayîşê kedkaran” û “Heq, huqûq û edalet do bi xoverdayîş bi ca bêro" yeno berzkerdiş.

 

Girseyê ke waşt bi rayrayîşî şêro meydan hetê polîsan ra ame astengkerdiş. Pêwa astengîyan rayrayîşê girseyî ame kerdiş.