QERS - Cenazeya Vedat Çem Erkmenî ke bi hawayêke guman zîndan de dinyaya xo bedilna, binê ablûqa de ame definkerdiş. Tena destûr dayî ke tena keye tewrê merasîmê cenaze bibo. 

 

Cenazeya Vedat Çem Erkmenî bi hawayêke guman Zîndanê Tîpê Fyê Hûmara 2yîn ê Tekîrdagî de dinyaya xo bedilna, bi şertê tewrbîyayîşê ferdê keyeyî bajarokê Bazarcixê qezaya Dîgor ya Qersî ame definkerdiş. Cenazeya ke binê ablûqayê polîsan de Stenbol ra ardî Qers û saetê serê sibayî de ardî bajarokê Dagpinarî. Heme dekewtiş û vejîyayîşê bajarokê hetê leşker û polîsan ra ame ablûqakerdiş. Dimayê vecîbeyê dînî ameyî kerdiş cenaze binê ablûqayê polîsan de berdî goristanê bajarokî. Polîs û leşkeran tena destûr dayî ke keye tewrê merasîmê cenaze bibo.