STENBOL - 22 rojnamegerê ke bi sereştişê Ozgur Gundemî de amebî destbendkerdiş û semedê sucê "Hemverê polîsan vejîyayê" û "Heqaret" ra dewa înan rê amebi akerdiş, berat kerdî.

 

Menga tebaxa 2016 de polîsan eşt serê rojnameyê Ozgur Gundemî ke Qerarnameyê Hukmî Qanûnî de (KHK) amebi padayîş bi îdiayê ke  22 rojnamegerî "hemverê polîsan vejîyayê" 5 serrî yo ameyîne muhakemekerdiş. Roniştişê qerarê dewaya rojnamegaran 5in Dadgeha Cezaya Asliye ya Çaglayanê Stenbolî de ame kerdiş. Rojnamegaran beşdarê roniştişî nêbî û avûkatê înan Ozcan Kiliç, Cemal Polat, Sercan Korkmaz û Oya Oznûr roniştiş de amade bî.

 

Avûkatan roniştiş de pawitişê miwekîlê xo kerdî û waştî ke bêrê beraetkerdiş. Dadgehe waştişê avûkatan ercna û seba delîlê ke rojnamegerî bêrê cezakerdiş qîm nêkenê û rojnamegeran suc nêkerdo qerarê beraetî da. Heto bîn ra dadgehe qerar da ke materyalê dîjîtal yê rojnamegeran ke 5 serrî yo ameyê destserkerdiş, reyna bidê înan.