AMED - Hemsereka KCDyî Leyla Guven ke tepişte ya û  tepişteyê cinî ke verê ci de yê pîya kovara kurdî ya bi nameyê ‘Tevn’ vetî.

 

Hemsereka Kongreya Komela Demokratîke (KCD) Leyla Guven û 7 tepişteyê bînî yê cinî zîndanê cinîyan ê Xerpêtî de tepişte yê, kovara kurdî ya bi nameyê Tevn’ vetî. Kovara ameye vetiş de nuşteyê bi destan ameyê nuştiş û fotografê ke cinîyan xêz kerdê ca girewtî.

 

Kovara ke cinîyan bi kurdî vetî, bi taybetî serê ziwanê dayîke, girîngiyê pawitişê cewherî yê cinîyan, têkoşînê dayîkê kurdî û Dayîkê Aştîye û sewbîna xeylêk babetê derheqê kurdan de ca gênê. Beşê peyîn ê kovare de zî xaçepersêk ke nameyê 12 mengan ca gêno.

 

Kovare de resimê tepişteya bi nameyê Berîtan Anahtar rengê ke daya kovare û xeylêk bale anceno.

 

Tepişteyê ke kovare vetê nameyê înan wina yo: Leyla Guven, Berîtan Anahtar, Remezîye Yaşar, Necmîye Boz, Emîne Erkan, Mîhrîban Şorlî, Dîlan Aydin, Mizgîn Ozatîz.

 

Kovare hetê Payîz Pirtûkî de vejêna vernîya wendekaran.