RIHA - Çalakî ya 'Nobeta Edaletî' ya kayeyê Şenyaşarî dewam kena. Keye ewro no mesaj pare kerd: " Ma do tîya de rayîrêk newe akerê, xêrcê nê rayîrî, rayîrêk bîn çinî yo."

 

Nobeta Edaletî ya Emîne Şenyaşar û lajê aye Ferît Şenyaşar 9ê Adare de da destpêkerdene, roja 289ine de verê Edlîyeyê Rihayî de dewam kena. Emîne û Ferît Şenyaşarî  no hewayo serdî de serê sibayî Qezaya Pirsûsî  ra ameyê verê Edlîyeyê Rihayî û dest bi çalakîyê xo yê  nobete kerd.

 

Keyeyê Şenyaşarî serê hesabê xo yê Medyaya Dîjîtale de Serekê Yewîyê Baroyê Tirkîya (TBB) Erînç Sagkan û Serekê Baroyê Stenbolî Mehmet Durakoglu etîket kerd û no mesaj vila kerd: "Verê Edlîyeyê Riha de zilmêk ke dinya pawena esto. Ma do tîya de rayîrêk bîn akerê. Xêrcê na rayîrî, rayîro bîn çinî yo. Ê ke seba nê yewî înîsîyatîfî ra remenê, siba-roj verpersîyar ê."