MERKEZÊ XEBERAN - Goreyê raporê Keyeyê Çimdarî yê Heqanê Merdiman ê Sûrîye (SOHR) yê serra 2021î  serrêke de 182 cinî û 359 tutî ameyî qetilkerdene.

 

Keyeyê Çimdarî yê Heqanê Merdiman ê Sûrîye (SOHR) raporê xo yê derheqê krîzê Sûrîye yê 2021î pare kerd.

 

Goreyê raporî 2021î de Sûrîye de 182 cinî û 359 tutî bi tewiranê cîya cîyayan ameyî qetilkerdene. Rapor de ame vatene 28 cinîyî netîceya teqayîşê mayînan de, 15 cinîyî bi guleyanê ke nîno zanayene ke hetê kamî ra ameyî eştene, 44 cinîyî pêkewtişanê keyeyan û eşîran de, 45 cinîyî bombardumananê hukmatê Şamî de, 16 cinîyî hetê çeteyanê DAÎŞî ra, cinîyêke zîndanê Şamî de netîceya îşkenceyî de û 8 cinîyî hêrişê bi bombayan de ameyî qetilkerdene. 12 cinîyî zî nêame zanayene ke senî ameyî qetilkerdene.

 

Goreyê doneyanê SOHRî zîndananê hukmatê Şamî de 41 hezar 312 cinîyî estê. Wextê destpêkerdişê krîzê Sûrîye yê 2021î ra nata 20 hezar cinî 315 cinîyî vînî bîyî. Rapor de ame vatene ke serrêke de 359 tutî zî bi tewiranê cîya cîyayan ameyî qetilkerdene.