Melîke Aydin

 

17ê Hezîrane de kiştox Onur Gencer hêrişê HDPyê Îzmîrî kerd, Denîz Poyraz xebatkara partîye bî û ameye qetilkerdiş. Roniştişê dewaya kiştoxî de 29ê Kanûne de saete 10ine de bêro vînayîş. Yeno pawitiş ke Hemsereka Pêroyî ya HDPyî Pervîn Buldan vernîya dewa de eşkerayîyêke çapemenî bido. Vengdayîşê ke semedê tewrbîyayîşê dewa zî dewam keno û sîyasetmedarê cinî zî na babete de vengdayîş kerdî.

 

'Muxalefeto tewr pîl HDP keno' 

 

Hemsereka HDPyî ya Îzmîrî Besrîye Tekgur da zanayîş ke AKP-MHP serê HDPyî de tedayan kenê û bale ant serê paradîgmayê HDPyî. Besrîye wina vat: "HDP partîyêke ke azadî pawena ya û hetê bindestan û heme şaran a. Binê sîwanê HDPyî de bindestî, karker, cinî û dorûverpawitox estê. Heta nika muxalefeto tewr pîl HDPyî kerdo. Îqtîdar zî nê ra aciz beno û hêriş keno."

 

'Qirkerdişêk bi plan bi' 

 

Besrîye wina dîqet ant serê serebûtî û vat: "Awanîya HDPyê Îzmîrî hetê komê ulkucu û çapemenî ra hedef ame ramojnayîş. Derheqê çadirê verê HDPyî, waştişê bi bi walîtî dir ameyî redkerdiş. Pêvînayîşê Mudûrîyetê Emnîyetê Îzmîrî de zî vatî, ‘ê heqdar ê.' Ma vatibi cuya ma tehluke de ya. La hewldayîş netîce nêda. Camêrdo ke ci ra vatî, baba ame uca nişna ro, ma hedef nîşan dayî. Xora no wina dest pênêkerd. Hêrişkar bi çenteyê xo ame kewt zere. 30 deqeyan zere de mend. Polîsan zanayîne hêrişkar cêr de yo. Destûr nêdayî hemserekan. Dimayê kiştox karê xo qedêna, dîmenê destbendkerdişê mojnayî, wexto ke ma destbend kenê, îşkence bi ma kenê. La polîsan vat, ‘birayê mi’ û kerdî vereke xo. 8 saetî dima destbend kerdî. No qirkerdişêk bi  plan bi. Ez vengdayîşê tewrbîyayîşê dewa, heme hêzê demokratîk kena."

 

'Gumanbar dewleta camêrd a' 

 

Aktîvîsta Tevgerê Cinîyan ê Azadan Funda Akbulut zî wina vat: "Her roje cinîyêke yena qetilkerdiş. Ma zîndanan de zî eynî çî vînenê. Garîbe Gezer zîndan de ameye qetilkerdiş. No het ra wayîrvejîyayîşê dewaya embaza ma Denîz Poyraz xeylêk girîng a. No hemverê qirkerdişê cinîyan mekanîzmayê pawitişê meşrû yo. Ma gumanbaran zanenê. Gumanbarî heme seyyewbînan ê.  Gumanbar dewleta camêrd a."

 

'Reaksîyonê komelî serê dewa de tesîr o'

 

 Vervatoxa HDKyî ya Îzmîrî Fevzîye Unal zî wina qal kerd: “Rayaumumî reaksîyonê xo de bi israr têbigeyrê do hêzê pey qirkeredişî zî vejê werte. Roşnkerdişê qirkerdişî eynî wextî de yeno manaya ke milê dewlete zî bêro deşîfrekerdiş. Ez veng dana heme kesê ke hemverê cuya merdiman rê rêzdar ê ke wayîrê dewa vejîyê."

 

'Edalet eynî demî de aştîye yo'

 

Vervatoxa Însiyatîfê Dayîkê Aştîye ya Îzmîrî Behîye Yalçin zî wina vat: "Tena Denîze ney hema zî qirkerdiş dewam keno. Ma heme zanê. Roşnkerdişê serebûtê Denîz Poyraz semedê aştî girîng o. Semedê her kesî ganî edalet bi ca bêro. Ma hem edalet hem aştî wazenê. Semedo ke her di zî eyn çî yê. Semedo ke merg çinbo, ganî nê bi ca bêro."