ÎZMÎR - Dadîya Denîz Poyraze Fehîme Poyraz vat: “Na dewa têna dewaya şarê kurdî û paştîgîranê şarê kurdî ya.”

 

Dewaya kiştoxê Denîz Poyraze Onur Gencerî ewro qaşo saete 10.00 de Mehkemeya Cezaya Girane ya Îzmîrî de dest pêbikerdêne. La seba ke salona roniştişî amade nîya hema zî roniştiş dest pênêkerd.

 

Dadîya Denîz Poyraze Fehîme Poyraz zî tede xeylêk wekîl, temsîlkarê rêxistin, sendîka û dezgehan verê salona konferansî de yê. Fehîme Poyraz tîya de her kesî rê sipas kerd û vat: “Na dewa têna dewaya şarê kurdî û paştîgîranê şarê kurdî ya. Keyeyê şima awan bo ke şima ez têna nêverdaya. Ma zanenê ke kiştoxê Denîze têna nîyo, tay kesan paştî daya ci. Têna kiştox nê paştgîrê ci zî wa bêrê cezakerdene.”

 

Fehîme Poyraz îfade kerd ke Mayê Haştîye yê ke xeylêk şaristanan ra ameyî hêz danê aye û veng da ke wa hînî kes nêmiro haştîye bêra.