STENBOL- Wasî û keyeyê Rayberê PKKyî Abdullah Ocalanî  seba ke roja dişemeyî pêvînayîş bikerê muracatê Serdozgerîya Komare ya Bursa û Mudirîya Zîndanê Îmraliyî kerd.

 

Birayê Rayberê PKKyî Abdullah Ocalanî Mehmet Ocalan û wasîyê ci Mazlûm Dînç û keyeyanê tepişteyan ê bînan ê Îmraliyî ra birayê Omer Hayrî Konarî Alî Konarî, birayê Hamîlî Yildirimî Plat Yildirim û waya Veysî Aktaşî Melîhe Çetîn zî bi rayîrê avûkatanê xo seba pêvînayîşî muracat kerd.

 

Avûkatê Ocalanî, semedo ke bi muwekîlê xo dir pêvînayîş bikerê hewte de 2 muracatan kenê, la nê muracatê avûkatan ne pozîtîf ne zî bi negatîf cewab nêdanê. Nê ser de avûkatan 22yê teşrîna peyêne de Dadgeha Ceza ya Bûrsayî de muracatê "pêvînayîşê lezgîn" kerdî. Dimayê nê muracatî vejîya ke di cezayê newe yê qedexeyê pêvînayîşê Ocalanî ame birnayîş. Dadgerî, muracatê avûkatan red kerd û sey sebeb zî cezaya ke 12ê temmuze de semedê 6 mengan Ocalanî rê ameya dayîş mojna. Dadgerî, semedê muracatê pêvînayîşî yê keyeyî zî qedexeyê pêvînayîşî yê 18ê tebaxe de semedê 3 mengan ramojna. La dadgerî derheqê bahaneyê qedexeyan de tu zanayîş nêda avûkatan.

 

 Avûkatanê Abdullah Ocalanî ra Rêzan Sarica û Newroz Uysal, dimayê 8 serrî mabêne 2-22ê Gulane, 12-18ê Hezirane û 7ê Gulana 2019 de şîbî Îmrali. 

 

Abdullah Ocalan 22 serrî yo Zîndanê Tîpê F yê Îmraliyî de tena 2 rey bi telefon keyeyî dir qisey kerd. Abdullah Ocalan ke 22 serrî yo tecrîd de yo, reya ewil 27ê Nîsana 2020 de tena 20 deqîqeyan bi telefon dir qisey kerd. Tewr peyîn serê îdeayê medyaya komelî de vila bî, dimayê reaksîyonê komelî 25ê Adara 2021 de Edliyeyê Rihayî de tena 4.5 deqîqeyan bi rayîrê telefonî birayê xo Mehmet Ocalanî dir qisey kerd û telefon nîme de amebê birnayene.