RIHA - Keyeyê Şenyaşarî roja 303ine de çalakîya "Nobeta Edaletî" ya verê bînaya edliyayê Rihayî de dewam kena.

 

Qezaya Pirsûsî ya Riha de, 14ê hezîrana 2018ine de merdim û pawitoxê parlamenterê AKPyî hêrişê keyeyê Şenyaşarî kerdibi û 3 ferdê keyeyî kiştibî. Emîne Şenyaşar û lajê xo Ferît Şenyaşar ke hêriş ra bi birîndarî xelas bibî, hemverê zilmî de waştişê xo yê edaletî 9ê Adare de verê Edliyeyê Rihayî de dest bi Nobeta Edaletî kerd. Nobete roja 303ine de dewam kena. Keye ewro dimayê pêvînayîşê telefonî yê bi Fadil Şenyaşarî dir kerd, verê xo dayî Edlîyeyê Riha. 

 

Keyeyî serê hesabê xo yê medyaya dîjîtalî de mesajê, "Keşeyê dêrê Xiristiyanan ê Rihayî verê qîrayîşê ma de xo kerr nêkerd. Ewro verê ma de bi. Serê bawerîya xo ya dînî de dia ma rê kerd. Yê ke verê nê zilmî de bêveng ê, wa îmanê xo verê çiman ra derbaz bikerê."