RIHA - Emîne û Ferît Şenyaşarî 'Nobeta Edaletî' ya roja 304ine de serê hesabê xo yê Medyaya Dîjîtale de nê mesajî vila kerdî: "Ê ke bêveng bimanê komele înan efû nêkeno."

 

Pawitox û merdimê Parlementerê AKPyî yê Rihayî Îbrahîm Halîl Yildiz qezaya Pirsûsî ya Rihayî de hêrişê keyeyê Şenyaşarî kerdbi û 3 ferdê keyeyî kiştîbî. Duştê nê hêrişan de bi amanco ke qatilî bêrê muhakemekerdiş û ceza înan rê bêro birnayîş,  Emîne Şenyaşar û lajê xo Ferît Şenyaşarî 9ê Adare ya 2021î de verê Edlîyeyê Rihayî de dest bi  Nobeta Edaletî  kerd bi. Nobeta keyeyî 304 rojî de dewam kena.

 

Keye, seba pêvînayîşê Fadil Şenyaşarî dir 3 serrî yo Zîndanê Xarpêtî de hucreyê kesêk ci de manenê, yeno girewtiş şî xarpêt û serê hesabê xo yê Medyaya Dîjîtale de nê mesajî da: "Ma no zilm qebûl nêkerd. Do komele zî kesê ke nê zilmî dir bêveng manenê û  erzenê peygoşî efû nêkero! Heq! Huqûq! Edalet! Têkoşînê ma roja 304ine de dewam keno."