Dilan Babat- Öznur Değer

 

ANQARA - Temsîlkara Serekîya Pêroyî ya EMEPî Selma Gurkan û Avûkata Partiya Çepî Gîzem Ozdem dîyar kerdî ke waştişê keyeyê tepişteyan ê şîyê serdayîşê înan, waştişê înan o zî û vat ke ê do teşhîrkerdişê polîtîkayê îqtîdarî yê zîndanan, dewam bikerê.

 

Keyeyê Stenbol, Mersîn, Wan, Şirnex, Sêrt, Colemêrg, Êlih, Mêrdîn û Amedê şî Anqara hîn serdayîşî kerdî. Merdimê tepişteyan çarçewaya bernameyê di rojan de dimayê ke tewrê kombîyayîşê koma HDPyî ya meclîsî bî, dima ra şî ÎHD û Partîya Gelecek; roja diyîn zî şî serdayîşê Partîya Kede (EMEP), Partîîya  Demokrasî û Atilim (DEVA), Partiya Çep, Partiya Saadet (SP), CHP, TÎHV û Yewîya Tabibê Tirkî (TTB).

 

Temsîlkara Serekîya Pêroyî ya EMEPî Selma Gurkan û Avûkata Partîya Çepî Gîzem Ozdem derheqê serdayîşî de ajansê ma rê qisey kerdî.

 

‘Îqtîdar tehda muxalefetî keno'

 

Selma vat, raporê Komîsyonê Heqê  Merdiman û Komîsyonê Zîndanan binpaykerdişê heqan dir xeberdar bîyê û vat: "Hukmat dorê îdarekarîyê yew kesî de rejîmê sîyasetî bi form keno, hetê komelî de azadî wazenê û muxalefetê sîyasî tehdayan keno. Nê welatî de grev bi fîîlî ameyê qedexekerdiş. Heqê rayrayîş, nawitiş û kombîyayîş ameyo çinkerdiş. Rejîmê yew mêrdeyî bi tehdayê sîyasî tena nîno zanayîş. Eynî wextî de bi pêroyî  îdarekerdişê îstîmlakî bi îdarekerdişê yew kesî awan keno.”

 

‘Polîtîkayê îqtîdarî zîndanan ser de tesîr keno'

 

Selma vat: "Tirkîya de sîstemêk hukmî yê adîlane çin o. Bi hesabperskerdişî sîyasî dir seba muxalefetê komelî bipelçiqnê. prosesê hukmî yeno kerdiş. Nê prosesî de tehdayê sîyasî zêde bîyo. Di sebebê îşkence û tehdayê hemverê zîndanan ke eşkera yenê kerdiş esto. Yewin pelçiqnayîşê muxalîfê sîyasî yo. diyîn zî nê polîtîkayê pelçiqnayîş û îşkence verê çiman de yeno kerdiş. Vano, 'şima polîtîkayê mi qebûl nêkerê, rexne bikerê, heq biwazê, ez wina kena.' ’Nê polîtîkayê hukmatî zîndanan ra xoser nîyo."

 

 ‘Ma zanê ke îşkence û caardişî peynî nêbîyê'

 

Avûkata Partîya Çepî Gîzem Ozdem zî dîyar kerd ke keyeyan binpaykerdiş zîndanan înan rê neql kerd û wina vat: "Rewşa tepişteyê nêweşî yê lezkî û nameyê tepişteyan ci de esto, rewşa binpaykerdişê heqan ê zîndanan ê Tirkîya vejeno werte. Bêguman hûmara tepişteyê nêweşan hîn zêdeyêr a. 12ê êlule heta nika ma zanê ke binpaykerdişê zîndanan bi peynî bi. Ma sey sosyalîstan vengê xo her tim vengê xo berz kerd û ma her tim polîtîkayê dewlete yê derheqê zîndanan de teşhîr kerd.”

 

‘Waştişê keyeyan waştişê ma yo zî'

 

Gîzeme tewr peyîn wina vat: "Bi wesîleyê nê serdayîşê ma reyke  bîn vanê ke ganî tecrîd peynî bibo, tepişteyê nêweşî bêrê verdayîş, peynîya caardişan bêro, peynîya surgunan bîyarê û vernîya  veşnayîşê înfazan bêro girewtiş. Ma do pîya her tim bîyarê ziwan."