Şehrîban Aslan

 

RIHA - Dozgerî derheqê gumanbar Huseyîn Tîler ke Eylem Tîler qetil kerd de sûcê ‘qestî kiştiş’ cezaya meubetî waşt.

 

Wêranşarê Rihayî de 12ê teşrîna verêne 2017 de ame îdiakerdiş ke  Eylem Tîler keyeyê xo de bi sîleh întîxar kerda û vejîya werte ke Eyleme hetê mêrdeyê ke ey dir ameya zewicnayîş Huseyîn Tîler ra ameya qetilkerdiş. Dewaya ke Huseyîn Tîler û dayîka ci Hanî Tîler ci ra ameyîne muhakemekerdiş,  9in roniştişê ci 4in Dadgeha Cezaya Giran ya Rihayî ra ame vînayîş. Heyetê dadgehe derheqê gumanbar Huseyîn Tîler de mutalayê da de ceza waşt û derheqê Hani Tîler ke serbest yena muhakemekerdiş zî berat waşt.

 

‘Şîdet kerd'

 

Goreyê cipersayîş, zabiitname, muhakeme, raporê Sazgehê Tibê Edlî (ATK), nêweşxane û otopsî û heme delîlan, heyetê dadgehe da zanayîş ke Huseyîn Tîler mêrdeyê Eylem Tîlere yo, gumanbar Hanî Tîler zî vistewrîya aye bîya, mabêne gumanbar û Eyleme de demêk derg bîyo problem ameyo ciwîyayîş, gumanbar vernîya serebûtî şîdet cinîya xo kerdo, seba nê şîdetî  Eylem şîya verê keyeyê xo. Dadgehe vat, Eyleme dima ra bi gumanbarî dir agêraya keyeyê xo Eyleme 14ê êlule 2017ine de hîrê rey xeta îxbarî yê eskeran gêraya.

 

Semedê Hanî Tîler berat ame waştiş

 

Mutalayî de ame dîyarkerdiş ke her çiqas derheqê gumanbare Hanî Tîler de bi îdiayê ke Eylem Tîler kişta dewaya îstîmlakî ameya akerdiş zî, seba delîlêk somut çin o û qerarê beratî ame waştiş. Derheqê gumanbar Huseyîn Tîler de zî qerarê dewamkerdişê tepiştişî ame dayîş.  

 

Roniştişê bîn ê dewa taloqê 11ê çele yanî siba rê ame kerdiş.