AMED - "Nobeta Edaletî" ya merdimê tepişteyan dayê destpêkerdiş kewt roja 56ine. Roja 56ine de keyeyan "Veng bidê qîrînayîşê ma yê edaletî" kerdî. 

 

"Nobeta Edaletî" ya keyeyê tepişteyan seba tepişteyê ke înfazê înan ame betalkerdiş û seba tepişteyê nêweşî awanîya xizmetî ya Baroya Amedî dabî destpêkerdiş roja 56ine de dewam keno. 

 

'Bêrê ma edalet bîyarê'

 

Merdimê tepişteyan ra Hasine Guler wina vat: "Ma seba edaletî ameyî tîya. Xêrcê waştişê edaletî, waştişê ma çin o. Ma şî Anqara hêrişê ma kerdî. Mêrdeyê min o 83 serre zîndan de çend rey bi koronayî kewt. Ez veng dana her kesî, bêrê paştdayîş bidê ma û ma pîya  edalet bîyarê."

 

'Êdî qîrayîşê ma rê bibê veng'

 

Dima ra merdima tepişteyan Încî Guler vat ke ê şîyê Anqara û rewşa tepişteyan her sazgehan rê qal kerdê û vat: "Ma hende rojî yo nobete gênê. Labelê hetê hukmatî ra tena vatişêk zî ma rê nêameyo kerdiş. Ma êdî wazenê ke qîrayîşê ma rê bibê veng."