AMED - Roja 58ine ya “Nobeta Edaletî” de mektuba tepişteyê nêweşî bi nameyê Ahmet Kolakan ra ame wendiş. Ahmet Kolakan nobete silam kerd û seba çalekgeran bazin kerd dîyarî.

 

“Nobeta Edaletî” ya merdimê tepişteyan înfazê înan ameyo betalkerdiş û nêweş ê bînaya Baroyî ya Amedî de roja xo ya 58ine de dewam keno. Her roje xeylêk welatî, sîyasetmedar û kedkarê sendîkayan serdayîşê keyeyan kenê.  

 

Roja 58ine de zî mektubê tepişteyê sîyasî yê nêweşî Ahmet Kolakan ke zîndanê Bandirmeyî de yeno tepiştiş ame wendiş. Ahmetî mektubê xo de vat, ma Nobeta Edaletî zerrî û can silam kenê û serkewtiş wazenê. Ahmetî seba dayîkê ke çalakî de yê bazinê bi dest viraştib dîyarî kerd.

 

Dimayê mektubî zî nasê tepişteyan İncî Guler û Reşahat Ada zî vatî, ma xoverdayîşê zîndanan zî silam kenê û seba mektubê înan ma spas kenê. Sewbîna mêmanê ke serdayîşê Nobete kerd, Ayşe Dîcle zî vat, na nobete, çalekîyêke heqdar û lazim o paîtdayîş bidê. Ayşe vat, ma do sey welatî taqîbê dewaya ci û waştişê ci bê.