WAN - Ame zanayîş ke hêrişê sîstematîk hetê mêrdeyê ci dir zewicnayebî Perîşan Kuran ke bi hawayêke bi guman dinyaya xo bedilna, ameyo kerdiş. No şîdet 11 serrî zewacî de bi Perîşane ameyo kerdiş.

 

10ê Çeleyî de qezaya Rayîrê Armûşî yê Wanî de cinîya bi nameyê Perişan Kuran keyeyê xo ra bi hawayêke bi guman dinyaya xo bedilna. Cenazeyê Perîşane seba otopsî berdibî Merkezê Tipî yê Dursun Odabaşi yê Unîversîteya  Yuzuncu Yilî û dima ra hetê keyeyê ci ra ameye definkerdiş.

 

'Kesî vengê mi nêeşnawit'

 

Merdimêke Perîşane xo resna ajansê ma dîyar kerd ke bi nêzdîyê  11 serrî yo ke Perîşane zewicnayîbî û F. Kuran ci dir zewicnaye şîdetê sîstematîk bi ci kerdêne. Merdima Perişane dîyar kerd ke aye vatişê peyîn ê "Mi hende hewil da ke vengê xo bi milet bidî eşnawitiş. Kesî vengê mi nêeşnawit. Ez êdî îdare nêkena" Perîşane ra eşnawito.

 

Agêra keyeyê ke şîdet vînayêne

 

Merdima Perişane dîyar kerd ke seba şîdetê ke Perişane dîyo, xeylêk rey nêweşxane de ameya  tedawîkerdiş û seba nê tedayî xeylêk rey şîya verê keyeyê xo labelê bi têkiliyê keyeyan aye reyna agêraya keyeyo ke şîdet dîne.  Merdima Perîşane ard ziwan roja ke serebût qewimyayo camêrdê ke bi Perişane dir zewicyayo dedê xo gêraya û vato tutî verê berî de vindertê.