MERKEZÊ XEBERAN - Seba 23in serrgera komployê mîyanneteweyî yê hemverê Rayberê PKKyî  Abdullah Ocalanî rayrayîşo derg   bajarê Frankfûrtî yê Almanya dest pêkerd.

 

Xeylêk welatê dinya ra xeylêk ciwanê kurd û aktîvîstê enternasyonalîstî bajarê Frankfurtî de ameyî têhet. Ciwanan bi amancê şermezarkerdişê komployê serê Rayberê PKKyî Abdullah Ocalanî de serrgera 23ine de merkezê bajarê Haûptwachî dest bi rayrayîşî kerdî.

 

Ciwanan hem wareyê meclisî de hem zî temamê rayrayîşî de timî sloganê, "Biciwîyo Serek Apo" berz kerdî. 

 

Çalakgeran êlekê ke fotografê Ocalanî serê înan de bî dayî xo ra û bi berzkerdişê sloganan û akerdişê pankartan waştişê azadiya Ocalanî kerdî.

 

Vindertişê yewin ê rayrayîşê derg ke Frankfurtî dest pêkerd, do bajarê Darmstadtî de bo. Rayrayîşo ke do  12ê Sibate de bajarê Strasboûrgê Fransayî de peynî bibo, do uca seba şermezarkerdişê komployê 15ê Sibate do çalakîyêk bîl bêro kerdiş.

 

Ciwanê ke Meksîka, Brezîlya, Îtalya, Amerîka, Îspanya, Almanya, Fransa û xeylêk welatê bîn yê Ewropa zî tewrê rayrayîşê dergî bî.