ÎZMÎR - Platformê Azadîye seba Aysel Tugluk û tepişteyê nêweşan awankerdişê xo îlan kerd, dîyar kerdî ke seba merdişê zîndanan bêrê vindernayîş, do rêxistinbîyayîşê xo hîra bikerê.

 

Platformê Azadîye seba Aysel Tugluk û tepişteyê nêweşî seba awankerdişê xo îlan bikero û hemverê binpaykerdişê heqê zîndanan vengdayîşê têkoşînê bikero, diyîn şubeyê Sendîkaya Kedkaran ê Zanistî û Perwerdeyî (EGÎTÎM-SEN) ê Îzmîrî de kombîyayîşê çapemenî kerd. Metnê çapemenî serê nameyê platformî de Meltem Işik wend

 

'Ma veng danê heme kesê hetê heqê merdiman'

 

Melteme wina vat: "Seba Aysel Tugluk no demêk o kampanya yenê kerdiş. Seba lezgînî û girîngîyê tehlîye veng dîyeno îqtîdarî. Labelê her ke bêvengî zêde bena, demê Aysele zî kêm beno. Ma çiqasî vengê xo zêde vejê, do şansê ma tewr zêde bibo. Lazimîyê ma esto ke ma hem seba Aysel Tugluk, hem zî seba heme tepişteyan vengê xo berz bikerê. Ma veng danê heme kesê ke hetê heqê merdiman kenê."