RIHA - Çalakîya 'Nobeta Edaletî' ya Keyeyê Şenyaşarî verê Edlîyeyê Rihayî de ameya destpêkerdişî roja 341î de dewam kena. Keyeyî ewro no mesaj pare kerd: "Her kes wayîr ro têkoşîna ma vejîyeno. Şima nêeşkenê ma bêveng bikerê, nêeşkenê ma çinî bihesebnê, vera ke dinya alem zaneno  ke ma heqdar ê.

 

Vernîyê weçînayîşê 24ê Hezîrane ya 2018ine de qezaya Pirsûsî ya Rihayî de, 14ê Hezîrane ya 2018ine de merdim û pawitoxê Parlementerê AKPyî Îbrahîm Halîl Yildiz hêrişê ferdanê Keyeyê Şenyaşarî kerd û hîrê (3) ferdê keyeyî qetil kerdî. Emîne Şenyaşar û lajê xo Ferît Şenyaşar seba dewa de edalet bêro ca 9ê Adare ya 2021î  ra verê Edlîyeyê Rihayî de Nobeta Edaletî kenê. Çalakîya nobete 341 rojî yo dewam kena.

 

Seba ke peynîya hewteyî yo, keyeyî çalakîya xo ya ewro keyeyê xo yê Pirsûsî de dewam kerd. Keyeyî serê hesabê xo yê Medyaya Dîjîtale de wina veng kerd: "Ma namdar nîyê, la ma duştê neheqî û bêhuqûqîye de çalakîyêke da destpêkerdiş û nika ma her cayê Tirkîyayî de yenê naskerdiş. Her kes wayîr ro têkoşîna ma vejîyeno. Şima nêeşkenê ma bêveng bikerê, nêeşkenê ma çinî bihesebnê, vera ke dinya alem zaneno ke ma heqdar ê."