RIHA - Keyeyê Şenyaşarî ke roja  342ine de seba edaletî têkoşîn keno wina vat: "Riha de hema edalet binê erdî de yo. Eke zilm meşrû bo, hemverê zilmî zî xoverdayîş heq o."

 

Vernîya weçînayîşê 24ê Hezîrana 2018 de qezaya Pirsûsî ya Rihayî 14ê Hezîrana 2018 de merdim û pawitoxê Parlamenterê AKPyî  Îbrahîm Halîl Yildiz hêrişê ferdê keyeyê Şenyaşarî kerdî û hîrê ferdê keyeyî ameyî kiştiş. Emîne Şenyaşar û lajê xo Ferît Şenyaşar (Keyeyê Şenyaşar) seba edalet bi ca bêro 9ê Adara 2021 ra verê Edliyeyê Rihayî de Nobeda Edaletî kenê. Nobeta Edaletî ya Keyeyê  Şenyaşarî roja 342yîn de verê edlîye de dewam kena. Seba peynîya hewteyî keye, banê xo yê Pirsûsî de nobeta xo dewam keno.

 

Keyeyî serê hesabê xo yê medyaya  dîjîtalî de hesabê Waliyê Rihayî Abdullah Erîn û Serdozgerê Komare ya Rihayî Onder Yenîçerî etîket kerd û wina vat: "Riha de hema zî edalet binê erdî de yo. Dozgerî vanê, 'çîyêk destê ma de çin o', Wezîrê Dade zî vano, ‘tena xemgîn a’. Eke zilm meşrû bo, hemverê zilmî zî xoverdayîş heq o."