AMED - Merdimê Tepişteyê nêweş û yê ke înfazê înan ameyo veşnayîş, nobeta xo ya edaletî dewam kenê. Merdimê tepişteyan dîyar kerdî ke heta waştişê înan bica nêrê do nobeta xo dewam bikerê.

 

"Nobeda Edaletî" ya hetê merdimê tepişteyê nêweş û yê ke înfazê înan ameyo veşnayîş, Baroyê Amedî de ame destpêkerdiş roja 92yîne de dewam keno.

 

Çalakîya nobete de merdimê tepişteyan Nura Abay komployê mîyanneteweyî yê hemverê Rayberê PKKyî Abdullah Ocalan şermezar kerd û vengdayîşê wedaritişê tecrîdî kerd.

 

Sewbîna nobete de merdimê tepişteyan Reşahat Ada û Nazîme Boltan zî bale antî serê binpaykerdişê heqan ê  zîndanan û dîyar kerdî ke heta waştişê înan bi ca nêrê û tepişteyê nêweşî nêrê veradayîş do nobeta xodewam bikerê.

 

Sewbîna merdimê tepişteyan Încî Guler zî qalê pêvînayîşê bi merdimê xo kerd û diyar kerd ke wextê pêvînîyaşî 30 deqe kêm kerdê.