MERKEZÊ XEBERAN - Muzexaneyê Hunerê Weşik ê Kantonê Vaudî, rojnuşteyê Gurbetellî Ersoz ke serê kerreyan de ameyê neqşkerdiş, ameyî ramojnayîş.

 

Muzexaneyê Hunerê Bedewî yê Kantonê Vaudî (MCBA) ke bajarê Lozan ê Swîsreyî de yo, bi pêşangeha xo ya kolektîf ya "Résister, encore" (Hîna, Xoverdayîş) dir xeylêk tewirê xoverdayîşî yê cayê dinya de pêşkeşê hunerhezan keno. Pêşangeh de sewbîna kitabê rojnamegera kurde Gurbetellî Ersoz a bi nameyê “Mi Zerrîya Xo Koyan Neqş kerd” zî ame ramojnayîş.

 

Kitab, mabêne serranê 1995-1997 de ameyo nuştiş û rojnuşteyê Gurbetelliye ra yeno meydan. Rojnuşte serê kerraya de ameyo neqşkerdiş û pêşangeh de ame ramojnayîş. Berardiş 145 parçeyan bi ca yeno, bi berzîya xo 9 metre yo û 2 tonan zî giran o. Berardiş, rojnuşteyê Gurbetellî yê mabêne 27ê temmuze serra 1995ine, heta 8ê teşrîna verêne serra 1997ine de yeno meydan.

 

Eleqeyêk pîl seba pêşangeh ame ramojnayîş. Pêwa keyeyê Gurbetellî, embazê ci, xeylêk hunermend û siyasetmedar zî beşdarê pêşengehe bî. Pêşangehe do heta 15ê gulane zî dewam bikero.