RIHA - Emîne û Ferît Şenyaşarî, ê ke têkoşînê xo yê edaletî roja 349ine de domnenê wina vatî: "Waştişê ma yê edaletî bîyo umîdê komele." 

 

14ê Hezîrane ya 2018ine de merdim û pawitoxê Parlementerê AKPyî yê Rihayî Îbrahîm Halîl Yildiz hêrişê dikanê Keyeyê Şenyaşarî ke qezaya Pirsûsî de ya kerd. Hêriş de mêrdeyê Emîne Şenyaşar û di lajê aye emeyî qatil kerdiş. Sewbîna lajê aye Ferît Şenyaşar zî bi birîndarî xelesîya bî. Seba ke qatilî bêrê tepiştiş û bêrê muhakemekerdiş, mayka Emîne Şenyaşar û lajê xo Ferît Şenyaşarî 349 rojî yo ke verê berê Edlîyeyê Rihayî de nobete gênê. 

 

Vera ke di rojê betalîye de  Edlîyeyê Rihayî girewte yo, keye çalakîya xo keyeyê xo de dewam kerd. Derheqê babete de zî serê hesabê xo yê Medyaya Dîjîtale de nê mesajî pare kerdî: "Waştîşê ma yê edaletî bîyo umîdê komele. Her rojo ke ma verê edlîyeyî de ronişenê, bi hezaran kesî lanetan ro şima kenê. Gelo hayîya Wezîrê Edaletî,  a dadîya ke vêrê berê Edlîyeyê Rihayî de edalet wazena esto?"