Melike Aydin 

 

ÎZMÎR - Cinîyê ke dîyar kerdî ke semedê qirkerdişê neweyî bi ca nêrê, ganî versûcî vejîyê werte, venga beşdarîyê dewaya Onur Gencerî ya Denîz Poyraze qetil kerd, yeno muhakemekerdiş kerdî.

 

5ine roniştişê dewaya Onur Gencerî 17ê Hezîrana 2021ine de bînaya HDPyî ya Îzmîrî de Denîz Poyraze kişt, ci ra yeno muhakemekerdiş, 6ine Dadgeha Cezaya Giran do 12ê teşrîna verêne de bêro vînayîş. Cinîyan venga wayîrvejîyayîşê dewa kerdî û vatî, tena kiştoxî ney, ganî kesê ke hetkarîya kiştoxî zî kerdê ceza bigîrê.

 

'Nêverdayî kiştox qisey bikero’

 

Dayîka Deniz Poyraz, Fehime Poyraz da zanayîş ke kiştoxî heqaret hem înan rê û hem zî kesê ameyê dadgehe heqaret kerdo û dadger, dadgehe de kiştoxî ra pers nêkerd. Fehîmeye da zanayîş ke hîn versucî ardê dadgehe embazê kiştoxî bîyê û vat: “Îfadeyê înan yew bi. Avûkatan zî û şarî ci ra bawer nêkerd. Ganî hîn zî bêro goşdarîkerdiş. Hîn kesî vanê, ma kiştoxî nas nêkenê dima ra zî ci ra vanê, birayê mi. Madem nas nêkenê çira wina vanê? Destpêk de kiştoxî fekê xo ra çîyêk remna la dima ra dîyar bi, ameyo temînkerdiş û qisey nêkerd.”

 

'Şarî ma tena nêverda’

 

Fehime waşt edalet bi ca bêro û wina vat: “Kiştoxî heqaret bi ma kerd. Ganî dozgerî ey bidayîne vindarnayîş. Gama ke şarî reaksîyon mojna, weşê înan nêşi. Avûkatî ra vano ‘ez o to kardî bikerî’. Çi heqê ey esto? Çîyê ke bi serê Denize de ardî do bi sereyê avûkatî zî bîyarê? Pey eyî de kes esto, bawer keno ke wina vano. Wa şar ma tena nêverdo. Ma bi tena nêverdayî. O darbe Denize rê ney, şarî rê bi.”

 

'Wayîrvejîyayîşê komelî bi erj o’

 

Hemsereka HDPyî ya Îzmîrî Berna Çelik da zanayîş 3 roniştişî ameyo kerdiş, averşîyayîş çin o û vat: “Helwestê hêrişkar ê Onur Gencerî, vatişê hemverê HDPyî, nêpersayîşê persan ê kiştoxî diyar beno ke hêzêk pey kiştoxî de yo. Refleksê komelî xeylêk girîng ê. Rewşêka tesîrê serê dewaya bikero yo. Coka wayîrvejîyayîşê komelî bi erj o. Ewro hêrişê HDPyî ameyo kerdiş, siba eşkeno kuçe de hîn kesê bînan ra bêro kerdiş.”

 

'Semedo ke kiştoxî vejîyê werte ganî ma xo ver bidê’

 

Endama Komeleya Heqê Merdiman (ÎHD) Gulay Gun Bilici da zanayîş ke Denîze yew ê cinîyan ra ya ke hetê zihnîyetê pederşahî ra ameya qetilkerdiş û vat: “Semedo ke kiştoxê Denize vejîyê werte û semedo qirkerdişê serê cinîyan bi rayîrê qanûnan nêrê meşrûkerdiş, ma wayîrvejîyayîşê dewa kenê. No zî tewirêkê kerdoxê ci nêdîyar o. Osmanîyan heta nika cinayetê kerdoxî nêdîyar hetê dewlete yenê kerdiş.  Semedo ke nê vejîyê werte, ganî mas ey şarî xo ver dane.”

 

'Şahidê înan nêameyo goşdarîkerdişî’

 

EGE-TUHAYDERî Nilay Guleser da zanayîş ke yeno waştiş sûcê qetilkerdişê tena bikewo mile kesêk û vat: “Xeylêk şahidê înan rê nêameyê goşdarîkerdiş esto. Ganî ê bêrê goşdarîkerdiş. Ganî bi cigêrayîşêkê hîra, vejîyê werte. Coka ganî şar wayîrê dewa vejîyê. Heta ma wayîr nêvejîyê, do qirkerdiş dewam bikerê.”