RÎZE - Cenazaya Suphan Çabukî ke Zîndanê Lyî yê Kalkandere yê Rîzeyî de ame qetilkerdene, hetê keyeyê ci ra ATKyî ra ameye girewtene û ver bi Amedî kewt rayîr.

 

Suphan Çabuko ke serra 2016î de ame tepiştene û 16 kanûna serra 2020î ra heta nika Zîndanê Tîpa Lyî yê Kalkandere yê Rîzeyî de ameyêne tepiştene, vizêr ame qetilkerdene. Bado ke keyeyê Subhanî xebera qetilkerdişê ci girewt tewrê Hemserekê Komeleya Paştîdayîşê bi Keyeyê Tepişteyan û Hukmweran (TUAY-DER) yê Amedî Mehmed Gunduz, Hemserekê Partîya Demokratîke ya Şaran (HDP) yê qezaya Pasûrî yê Amedî Asim Ozgenî reyde kewtî rayîr û nîmeyê şewe de resayî Rîze. 

 

Keyeyê Subhanî bi bermî û hawarî cenazaya xo Dezgeyê Tibê Edlî (ATK) yê Rîzeyî ra girewt û seba definkerdişî ver bi qezaya Pasûrî ya Amedî ra kewt rayîr. Heto bîn de Rêxistina HDPyî ya Rîzeyî zî verê ATKyî de kişta keyeyê Subhanî de ca girewt.