AMED - Roniştişê Hemsereka KCDyî Leyla Guvene de mehkema sey roniştişanê verênan ceza aye rê varnaye. Mehkema deheqê Hemsereka KCDyî Leyla Guvene de bi îdîaya ‘propagandaya rêxistine’ 11 serrî û 7 aşmî cezaya zîndanê aye rê birnaye.

 

Bi bahaneya ‘propagandaya rêxistine’ de Hemsereka Kongreya Komela Demokratîke (KCD) Leyla Guvene rê dewaye ameybî akerdiş. Roniştişê dewaya Mehkemaya Cezaya Girane ya 9ine ya Amedî de ameye dîyîş.

 

Leylaye seba ke pawitişê xo bikera, bi rayîrê SEGBÎSî tewrê roniştişê dewaye bîye. 

 

Badê pawitişê Leylaye, mehkema bi îdîaya ke 3 qiseykerdişanê cîya cîyayan de ‘propagandaya rêxistine’ kerda de 11 serr û 7 aşmî cezaya zîndanî aye rê birnaye.

 

Dozger roniştişê verên yê 7ê êlule de derheqê Leyla Guvene de pêro pîya 43 serr û 15 roje cezaya zîndanî waştbî.

 

Leyla Zîndanê Cinîyan yê Xarpêtî de yena tepiştene.