ŞIRNEX - Îbrahîm Barkino ke Serekê Ocaxê Tevgerê Taybetî yê Şirnexî yo, 14ê Gulane de Sakîne Kulture qetil kerdibi. Pêwa ke serê serebûtî ra 5 aşmî derbaz bîyo zî derheqê dewa de hema tu averşîyayîşkê çin o.

 

Qezaya Silopî ya Şirnexî de 14ê Gulane de Sakîne Kultur (40) bi metodê îşkence amebî qetilkerdiş. Cenazeya Sakîne serê rayîrê newala Bêspinî ya girêdayeyê bajarokê Tilqebînî de hetê şoforêkê kamyonî ra amebî vînayîş. Çarçewaya cipersayîşî ke kiştişê Sakîne de amebi kerdiş de Serekê Ocaxê Tevgerê Taybetî yê Şirnexî Îbrahîm Barkin 15ê Gulane de amebi tepiştiş.

 

Îbrahîm Barkin ke eynî wextî de bi xeylêk serebûtê tacîzî dir kewto rojeve, verê de cinîya ke ci dir zewicnayebîyo hewil dayo ke qetil bikero. Îbrahîm Barkino ke Serekê Ocaxê Tevgerê Taybetî yê Şirnexî yo, bi ofîsê ke qeza de akerdo, bi sozê kardayîşî xeylêk cinîyan tacîz kerdo û na rewşe bi hawayêkê sîstematîk kerdo.

 

Pêwa ke serê serebûtî ra 5 aşmî derbaz bîyo, hema zî derheqê dewa de îddîaname nêameyo amadekerdiş û serê dosya de qerarê nimitişî ameyo dayiş.