MERKEZÊ XEBERAN - TEV-DEMî bi eşkerayîyêke nuşteyî hêrişê bi çeke kîmyewî şermezar kerd û vat: “M abi şîdet bêvengîya komelê mîyanneteweyî û rêxistinê NYyî hemverê sûcê dewleta Tirke şermezar kenê.”

 

Tevgerê Komeleyê Demokratîke (TEV-DEM) derheqê caardişê çekên kîmyayî yê hemverê Herêma Federal a Kurdistanî eşkerayîyêka nuşteyî weşana.

 

Eşkerayîye de wina ame vatiş:

 

“Demêk de ke cematê mîyanneteweyî û sazgehê Neteweyê Yewbîyayeyê şerî şuxulnayîşê çekê nukleerî û kîmyayî kenê û rayîr verê vilabîyayîşê înan gênê tersê şuxulnayîşê înan hemverê merdimayî ke beno semedê pawitişê asayîşî û îstiqrarê dinya, tu welat nêeftero înan hemverê welatêkê bîn de bişuxulno, çîyo ke aseno oyo ke cematê  mîyanneteweyî, Neteweyê Yewbîyayeyî û Rêxistina Qedexekerdişê Çekê Nukleerî, hemverê çekkerdiş û vilakerdişê çekê nukleerî û kîmyayî cidî nêyê û prensîbê xo yê exlaqî û qanûnî yê rayîrgirewtişê şuxulnayîşê çekê tehluke vejîyayê ke ne merdimî û ne zî xoza do ci ra xelas nêbo û heme ganeyan bi temamî çin kenê.

 

Beno ke verê hîn welatan de şîrketê viraştişê nê çekê qedexekerde bibê û binê berpirsiyariyê qanûnî û cezayê mîyanneteweyî de bê. La welato ke tewr zêde cesaret keno serê sewîyeya dinya de bişuxulno, dewleta Tirk a û bi seyan reyan şuxulnaya. Bêvengîya hetê wezîfedaran ke danê dewleta Tirka işxalkerdoxe ke nê çekan hemverê gerîlayê ke rûmet û erjê merdimayî pawenê bişuxulno û netîceyê nê de demo peyîn de 17 şerwanî şehîd bî.

 

No reya yewin nêyo ke dewleta Tirke çekê kîmyayî şuxulnena. Faşîzmê Tirkî xeylêk herêmanê ma yê seke Efrîn û Serêkaniye yê îşxalkerde û Herêmê Pawitişî yê Medyaye şuxulnayo.

 

Her ke dewleta Tirke kewena bin û hêzê ci felç benê, çekanê qedexekerde sey fosfor, goşe û kîmyayî şuxulnena. No krîmînîlîzekerdişê dewleta Tirke ya terorîstî siyasete ci yê qirkerdişê etnîkî bi ca yenê. La no sûc û qirkerdişê hemverê şar û îradeyê ma yê rastî ganî bêra cezakerdiş. şuxulnayîşê çekê giranî; teyareyê şerî, bêmerdimî û temamê çekê qedexekerde vengî ra nênê, labelê netîceyê rijnayîş moral û hêzê înan yê hemverê xoverdayîşê gerîlayanê lehengan ke binê abluqa de yê, bi ca yenê.

 

Ma bi şîdet bêvengîya cematê mîyanneteweyî û rêxistinê NYyî hemverê sûcê dewleta Tirke y îşxalkerdoxe şermezar kenê ke no zî hemkarî yo û ê hemverê heme kerdişê dewleta Tirke yê hemverê îradeyê şaran û xoverdayîşê gerîla ke êdî bîyo mîrasêkê kulturî û sembolê hêvîyê komelê têkoşerî, berpirsiyar ê.

 

Ma venga şarê ma yê her ca kenê, venga temamê hêzê sîyasî û nîştimanî yê Kurdistanî kenê ke Tirkê faşîstî, dişminêk tersonek û wehşî yê û bi destekê mîyanneteweyî eşkera me qetil kenê. Ganî ma bibê wayîrê helwestê nîştimanî ke heme îmkanê xo semedê pawitişê destkewtişî û ercê xo xerc bikerê û xo bi rêxistin bikerê û sewîyeya xoverdayîşê xo, goreyê metodê şerê şarî yê şorişgêrî berz bikerê. Semedo ke no çî garantiya rasteqîn ê pawitişê erc û îradeyê ma yo.”