WAN - Sekretera Baskê Hekîmîya Keyeyî yê Yewîya Tabîban ê Tirkî, Dr. Sîbel Uyan da zanayîş ke Wan de cinî hetê xoresnayîşê xizmetê weşîye de problemê cidî ciwîyenê û derheqê çareserîya probleman de zî bale antî serê girîngîyê awankerdişê meclîsê weşîye.

 

Polîtîkayê weşîye yê îqtîdarê AKP-MHPyî ke wareyê weşîye de rayîr verê xeylêk probleman akeno, sere de cinîyî xoresnayîşê xizmetê weşîye de problemê cidî ciwîyenê. Baskê Hekîmîya Keyeyî yê Yewîya Tabîbê Tirkî (TTB) bi amancê bale biancê serê problemê kombîyayîşê xo yê demê newe kenê. Hekîmê Keyeyî yê Wanî kombîyayîşê xo dayî destpêkerdiş û rojê vîyarte yê ewilî bica ardî.

 

Sekretera Baskê Hekîmîya Keyeyî yê  TTByî, Dr. Sîbel Uyan, problemê weşîye yê Wanî ke bi xususî problemê cidî ciwîyenê, ajansê ma rê ercna.

 

Bi xeylêk probleman reyde yenê rî bi rî

 

Sîbele vat, Wan de cinî û tutî hetê xoresnayîşê xizmetê weşîye de problemê cidî ciwîyenê û vat: “Herême de cinî goreyê camêrdan zaf tay dest bi cuye kenê. Xeylêk cinîyî probleman reyde yenê rî bi rî. Barê keyeyî rojane serê milê înan de yo. Çi heyf bi paştdayîşê hînan, hetkarîya hînan xo resnenê weşîye.”

 

‘Kontrolê zayîşî dewlete bica nêana’

 

Sîbele bale ant serê weşîya zayîşî û wina vat: “Wezaretê weşîye bi hîrê serrî yo paştdayîş nêdana metodê paştdayîşê diganîye de. Nêweşxaneyê herême yê îstîmlakî de kurtaj nêno kerdiş. Hetê dewamkerdiş yan zî qedênayîşê diganeyî de tu heqê vatişî zî çin o. Metodê pawitişî dewlete bica nêana.”

 

‘Heqê înan yê qerarî çinî yo’

 

Sîbele da zanayîş ke seba ke mesrefê waştişê pawitişî zêde yo, hetê ekonomîye de herême zêde xirab a û seba ke îmkanê mesrefan bidê çinî yo, cinî wayîrê heqê ke bibê wayîrê tutan nêyê.

 

‘Selahîyetê înan yo ke qerar bidê çinî yo’

 

Sîbele qiseykerdişê xo wina dewam kerd: “Seba ke paştîdayîşê wezîrîya edaletî çinî yo, bi raybazanê xozayî peynîya diganebîyayîşî anê. No zî beno problemê weşîye. Na rewşe heta mergê cinîyan zî şina. Projeyê dewlete yê dayîka digane yê meymanî esto. No projeyê bi serran o. Ganî cinîyî nizdîyê welidnayîşî otelan yan zî meymanxaneyan de bimanê. Dewan de welidnayîş pê nîno. La rewşa xo vera nêwazenê tutanê xo yê şenikan keye de biverdê û bêrê meymanxaneyan. Selahîyetê ci yo ke qerar bida çinî yo û hetê wijdanî ra wina nêkena. Coka ra no proje zêde pê nêame.”

 

‘Ganî polîtîkaya weşîye bêra kerdiş’

 

Sîbele derheqê çareserkerdişî de zî wina vat: “Ganî polîtîkaya weşîye bêra rêxistinkerdiş. Na herême de ganî meclis bêrê awankerdiş. Nêweşxaneyan de ganî kêmanîya xebatan çinî ba. Nê cayan sey merkeze weşîya keyeyî de hûmara cinîyî digane zêde ya. Bajaranê rojawanî yê Tirkîya de hekîmî zaf weş cinîyanê diganeyan reyde eleqedar benê. La tîya de ganî ebe zêde bibê. ganî heqê xoresnayîşê xizmetê weşîye asan bo. Lazimîyê komelkî yê şaredarîye muhîm î. La herinda ê ke ameyî weçînayîş yê ke ameyî tayînkerdiş estê. Na herême de derheqê weşîye tay yatiriman kerdî yew kiştêk. Yanî derheqê weşîye de tercihêkê nêameyo şuxilnayîş.”

 

‘Krîzê ekonomî zî ser de tesîr viraşto’

 

Sîbele qiseykerdişê xo peynî kerd: “Krîzê ekonomî û şertê cuye ke camêrdî teber de xebetîyenê, seba cinîyan zehmetîyan xo reyde anê. Wexto ke nêweşîyêke virazîyena pere çinî ke bidî wesayîtêk bitepişnê yan zî biweyşê otobusêk ke şêrê. Keye de bi raybazanê xo derman kenê. Ganî merkezê weşîye yê ke cinî bieşkê bi asanî muracat bikerê, bibê. Yew hekîmêk nêwazeno eynî ca de 3 serran ra zêde bimano. Seba ke şert û mercê cuye yê înan baş nîyê. Îmkanê boydayîşî çinî yê, lojman çinî yê. Eke problemî bêrî çareserkerdiş do bawerî zî bêra dayîş.”