ANQARA - 7 rojnamegerê ke çarçewaya cipersayîşê merkezê ci Anqara de bi, Amed, Mêrdîn û Rihayî de ameyî destbendkerdiş, ardî Mudurîyê Emnîyetî. 

 

Çarçewaya cipersayîşê Serdozgerîya Komare ya Anqarayî de 25ê teşrîna verêne de 9 bajaran de polîsan eşt serê keyeyê rojnamegeran û 7 rojnamegerê ke amebî destbendkerdiş, ardî Anqara. Mudura Karê Nuşteyî ya Ajansê Mezopotamyayî Dîren Yurtsevere Stenbol de muxabirê MAyî Hakan Yalçin zî Wan de amebi destbendkerdiş. Dîrene û Hakanî vizêr şanî ardî Anqara.

 

Muxabîra ma Habîbe Erene Amed de ameye destbendkerdiş. Muxabîrê MAyî Selman Guzelyuz, Muxabîra ma Oznur Degere ke Mêrdîn de ameye destbendkerdiş, Muxabîrê MAyî Ceylan Şahinli û Emrullah Acar ke Riha de ameyî destbendkerdiş, ardî Anqara.

 

Bi wedaritişê sînorkerdişî yeno pawitiş ke avûkatî bi muwekîlê xo dir pêvînayîş bikerê.