STENBOL - Cinî Pîya Bihêz ê do semedê Sereka TTBî Şebnem Korûr Fîncanciye ameye destbendkerdiş û rojnamegerê destbendkerdeyî do Kadikoy de eşkerayîye bide.

 

Çarçewaya cipersayîşêkê Serdozgerîya Komare ya Anqarayî dayo destpêkerdiş de muxabîrê ajansê ma yê JINNEWSî û Ajansê Mezopotamyayî (MA) mîyan de bi pêroyî 11 rojnamegerî ameyî destbendkerdiş. Ewro serê sibayî semedê qiseykerdişê xo yê derheqê caardişê çekê kîmyewî, semedê bi rojan o hetê selahîyetdaran ra hedef ameyîne mojnayîş Sereka Heyetê Merkezî yê Yewîya Tabîban ê Tirkî (TTB) Şebnem Korûr Fîncanci zî ameye destbendkerdiş. 

 

Cinî Pîya Bihêz ê (KBG) do emşo hemverê destbendkerdişan vernîya  bînaya Operaya Sureyya ê Kadikoyî eşkerayîyêke bi girseyî organîze bikerê. Cinîyan derheqê eşkerayîyê ke do saete 19.00ine de bêro dayîş de wina vatî: “Şebnem Korûr Fîncanci merdimêka zanist a, hekîme û pawitişê heqê merdiman a. Aye fek rastîyan ra vera nêda. Adetê çapemenîya azade pêwa heme hêrişan dest nuştişê rastiyan vera nêda. Wazenê ke yê ke heqîqet anê ziwan û yê ke pêwa qanûnê dezenformasyonî rastiyan nusenê, bi destbendkerdişan bêveng bikerê. La ma sey cinî û LGBTÎ+ qet û qetiyen fek rastîyan ra vera nêdanê û do vera nêdê zî. Semedê ke vajê ma verê Şebnem Korûr Fîncanci û embazanê xo yê çapemeniya azad de yê ma do ewro saete 19.00ine de vernîya Operaya Sureyya ê Kadikoyî de bê.”