AMED - Amed de tepiştişê 9 rojnamegeran ê Anqarayî de bi eşkerayîyêke çapemenîye bêro şermezarkerdiş. 

 

Rayberîya Komeleya Rojnamegeran ê Dîcle Firatî (DFG) û Platformê Rojnamegeranê Cinîyan ê Mezopotamyayî (MKGP) de tepiştişê 9 rojnamegeran ê Anqarayî, do bêro şermezarkerdiş. 

 

Bi waştişê veradayîşê rojnamegeran, bi sloganê “Çapemenîya Azade Sere Nêtewênena” verê bînaya DFGyî ya Kuçeyê Hunerî ya semtê Ofîsî yê qezaya Yenîşehîrê Amedî de saete 12.00ine de eşkerayîyêke bêro dayîş. DFGyî û MKGPyî semedê pawitişê heqê xeberan girewtî û azadîya fehmî û çapemenîya her kesî dawet kenê.

 

Çarçewaya cipersayîşê Serdozgerîya Komare ya Anqarayî dabî destpêkerdiş de 25ê teşrîna verêne de muxabîrê JINNEWSî Habîbe Eren û Oznûr Deger, Mudûra Karê Nuşteyî yê Ajansê Mezopotamyayî (MA) Dîren Yûrtsever, muxabîrê MAyî Denîz Nazlim, Selman Guzelyuz, Berîvan Altan, Hakan Yalçin, Emrûllah Acar, Ceylan Şahînlî bi îşkenceyê polîsan ameyî destbendkerdiş û 29ê teşrîna verêne de bi îdiayê “endamîya rêxistine” ameyî tepiştiş. Muxabîra MAyî Zemo Aggoze bi cezaya hepsê keyeyî, Mehmet Gunhano ke demêk MAyî de stajerî kerdibi zî bi şertê kontrolê edlî amebi veradayîş.