MERKEZÊ XEBERAN - Midura ajansê ma ya JINNEWSî Safiye Alagaşa ke Amed de 16ê hezîrane de ameybî tepiştene dîyar kerd ke zîhnîyeto ke Nagîhan Akarsele qetil kerd û zîhnîyeto ke hêrişê rojnamegeranê kurdan kerd eynî zîhnîyet ê.

 

Amed de 8ê hezîrane de 20 rojnamegerî ameybî destbendkerdiş û înan ra 16 kesî 16ê hezîrane de ameybî tepiştiş. Îdîanameyê derheqê rojnamegeran hema zî nêameyo hadrekerdiş. 25ê teşrîna verêne de zî çarçewa tehqîqatêkê Serdozgerîya Komare ya Anqara de amebî tepiştiş û 29 teşrîna verêne de ameyî tepişitş.

 

Rojnamegerê ke 16ê hesîrane de ameyî tepiştiş ra Mudirê ajansê ma yê JINNEWSî Safiye Alagaşa ke Zîndanê Amedî yê Cinîyan de tepişte ya, Ajansê Xeberan yê Mezopotamya (MA) rê mektubêke şawite. Safîye mektuba xo de dîyar kena ke zext û binpaykerdişî nêeşkenê rojnamegeran bitersnê.

 

Safîye mektuba xo de wina vat: 

 

"Serra 2010î de Anqara de Nagîhan Akarsele mi şinasna û wextêko derg ma pîya xebetîyayî. Gama ke mi aye şinasna, hema ez rojnamegerêka çend serre bî ya. Verê ma de cinîya ke waştêne pêro zanistîya xo bi kelecan ciwanan reyde pare bikera estbî. Gama ke cinîyan reyde têkilî ronayêne çîyêk musayêne û dayêne musnayîş. Nagîhana ke mi cuya aye û têkoşînê aye ra hes kerdêne, peynîya xo de seba rojnamegeranê cinîyan yê kurdan têkoşînêko gird verda. Nagîhan Akarsele kedêka gird daye rojnamegerîya kurd. 

 

Gama ke ma ewnîyenê têkoşînê Nagîhane ra, ma fam kenê ke çira hedef ameya girewtiş. Bi serran xebata Jineolojî kerda. Jineolojî semedê têkoşînê cinîyê kurdan û arkeolojiya cinîyan wayîrê cayêk zaf girîng a. Jineolojî bi esas girewtişê tarîxê cinî, têkoşîn û estetîkê cinî tesîrêk gird rojnamegerîya cinîyanê kurdan û cinîyan kena. Coka bi qetilkerdişê Nagîhane dir têkoşînê cinîya kurde û têkoşînê rojnamegerîya cinî û Jineolojî hedef ameyo girewtiş. Têkoşînê Nagîhane fehmê pederşahî tersna yo ke hedef ameya girewtiş. Eynî fehm hêrişê rojnamegeran zî keno.

 

Îqtîdar hêriş beno serê rojnamegeranê cinîyan, înan destbend keno û tepişneno. Rojnamegerê kurdî têkoşînêk rast kenê û dîyar kerda ke fehmê pederşahî yê hemverê têkoşînê cinîyan qels bîyo, hêrişê xo zêde kerdê. 

 

Fehmê pederşahî semedê bibo asteng, verê cinîyê ke nêzdîyê azadîye bîyê, bi hawayêko wehşet hêriş keno. Hêrişê rojnamegeranê cinîyan û Jineolojî kenê. Ma wela xo ra newe ameyê dinya. Nê hêriş û perpitnayîşî bêhûde yê. Semedo ke cinîyan reyke tehmê azadîye kerdo. Do fek rayîrê azadîye ra vera nêdê. Ma do xo teslîmê fehmê pederşahî nêkerê. Semedo ke qetilkerdişê Nagîhane hemverê têkoşînê cinîyan o, vernîya her kesî ganî cinî nê hêrişî qebûl nêkerê. Ganî hîn zêde hemverê xebatê Jineolojî de bibê xelek. Ma rojnamegerê cinî ma do têkoşînê cinî tewr girs bikerê. Ma do hêz huyayîşê Nagîhane û têkoşînê aye ra bigîrê û rayîrê xo dewam bikerê.”