ANQARA - Gulîstan Kiliç Koçyîgît dîyar kerd ke bi amancê caardişê çekanê kîmyewîyan ê Tirkîya hemverê HPGyîjan ca ardê, bêro nimitiş 9 rojnamegerî ameyî tepiştiş û bi amancê xeberanê derheqê nê de nêrê weşanayîş û asteng bikerê, rojnamegerî ameyê tepiştiş.

 

Çarçewa tehqîqatêkê Serdozgerîya Komare ya Anqara de 25ê teşrîna verêne de 9 bajaran de 11 rojnamegeri ameyî destbenderdiş. Rojnamegera ma Hebîbe Eren, Oznur Deger, Mudira Karanê Nuşteyî yê Ajansê Mezopotamya (MA) Dîren Yurtsever, muxabîrê MA Bêrîvan Altan, Selman Guzelyuz, Denîz Nazlim, Ceylan Şahînlî, Emrullah Acar, Hakan Yalçin bi îdiaya ‘endamtîya rêxistine’ ameyî tepiştiş û berdî Zîndanê Sîncanî. Heto bîn de çarçeweya tehqîqatî de rojnamegerê MAyî Zemo Aggoz û Mehmet Gunhanî ke demêk ajansê MAyî de stajyerî kerdî bi şertê kontrole edlî û hepse keyeyî ameyî verdayîş.

 

Rojnamegerê ke dimayê 4 rojan ra dima vetî dozgerîye û xeberê ke viraştibî sûc ameyî mojnayîş.

 

Parlamentera Partîya Demokratîke ya Şaran (HDP) ya Muşî Gulîstan Kiliç Koçyîgît derheqê tepiştişê rojnamegeran de qisey kerde.

 

‘Semedo ke xeberan binimê, rojnamegeran tepiştî’

 

Gulîstane da zanayîş ke Tirkîya de tu wext azadîya çapemenîye çinbî û wina vat: “Rojnamegerî semedê heqê girewtişê xeberan têkoşîn kenê, hedef yenê girewtiş. Demê AKPyî de îşkence, teda û destbendkerdişî zêde bî. Tedayê hemverê rojnamegeran de sîstematîk bîyo. Amed de aşma hezîrane de 16 rojnamegerî ameyî tepiştiş. 25ê teşrîna verêne de zî hemverê muxabîranê JINNEWS û MAyî operasyon ame kerdiş û xeylêk rojnamegerî ameyî tepiştiş. Sebebê tepiştişê rojnamegeran oyo ke xeberan biniminê.”

 

‘Dîmenê derheqê rojnamegeran de rewşa welat nîşan dano’

 

Gulîstane dîyar kerd ke AKPyî çapemenîya bîyaye girêdayê xo kerdo û televîzyonê muxalîfî zî bi cezayê pere terbîye kena û wina vat: “Bi teda û hêrişan zî hewl danê çapemeniya Kurde bipelçiqnê, pê peyser game bidê eştiş. Dîmenê rojnamegeran ke hewldayîşê serê Berîvan Altan û Denîz Nazlim bitewênê, rewşe hetê welatî ra fikr û azadîye nîşan dano. Rojnamegeran bi derb û îşkence destbend kenê.”

 

‘Persê trajîkomîk’

 

Gulîstane wina derg da: “Ma prosesê edliyeyê 9 rojnamegeran taqîb kerd. Dimayê şuxilnayîşê çekanê kîmyewîyan ameyî rojeve, tedayî destpê kerdî û Şebnem Korur Fîncanci û TTB hedef ameyî girewtiş. Dimayê nê zî rojnamegeran kerdî hedef. Bi nê hawayî waştî serê caardişê çekanê kîmyewîyan biniminê. Waştî vernîya xeberan padê û operasyonê sîyakerdişî dayî destpêkerdiş. Sewbîna persê tirajîkomîk rojnamegeran ra pers kerdê. Rojnamegera ke pîyê ci aye rê pere şawito, rastê persa ‘kam pere şawito’ ameye. Rojnamegerê ke embazê yewbînan ê vanê, ‘şima yewbînan çara nas kenê?’ Dosya de şahîdêkê nimite yê eletewş ca gêno. Hewl danê îlegalîze bikerê. Faliyetê rojnamegerîye sûc mojnenê ra.”

 

‘Kitab sey metaryalê rêxistine ame pêşkêşkerdiş’

 

Gulîstane bale ant serê qanûnê dezenformasyonî û vat: “Di hewte verê ame vetiş. Sebebê înan zî ‘astengkerdişê dezenformasyonî mecrayê dîjîtal’ de bi. Ma nika vînenê ke, çimeyê dezenformasyonî ajansê dewlete bi xo yê.  TRT, ya bi bacê şarî şuxilêno zûr kerd. Kitabêkê bi bandrol yê keyeyê Şebnem Korur Fîncancî de ame vînayîş, sey metaryalê rêxistine ame pêşkêşkerdiş.”

 

‘Em deyndarê çapemenîya azade yê’

 

Gulîstane tewr peyîn wina vat: “Ganî hem ma, hem kedkarê çapemeniya azad û hem şar wayîrê heqê girewtişê xeberan, heqîqet ra vejîyê. Komelê ma  îtîraz nêkero, do nêheqîyêkê pîl kedkarê çapemeniya azad bikerê. Wa no bêro zanayîş ke bi xêrê kedkarê çapemeniya azad heqîqet resnenê keyeyê ma. Ma  deyndarê çapemeniya azade yê. Ganî ma têkoşîn bikerê û verê kedkarê çapemeniya azade û heqîqetî ca bigîrê.”