ŞIRNEX - Semedê dewaya Mîhrîban Alturk (Bêrîvan) ke qileban de hetê Metîn Şengîl ra ameye qetilkerdiş, îdîaname ame amadekerdiş. Roniştişê yewin ê dewa dê di 7’ê Kanûnê de were dîtin. Xwişka Mîhrîbanê Sevîm Alturk ji bo tevlîbûna danîşînê bang kir û destnîşan kir ku bila kujer bi cezayê herî giran were darizandin.  

 

Mîhrîban Alturk (31) a li navçeya Qilebana Şirnexê dima, di 21’ê Nîsanê de ji aliyê Metîn Şengîl ê pê re hatibû zewicandin û piştre dest ji hev berdabûn, bi êrişa çekdarî re rûbirû ma. Dayika du zarokan  Mîhrîbane bi giranî birîndar bî û aye wedarnayî nêweşxane. Dimayê ke rewşa Mîhrîbane giran bî sewqê nêweşxaneyêkê bîn ameye kerdiş, Mîhrîbane eynî nêweşxaneyî de dinyaya xo bedelnaye. Metîn Şengîl ke Mîhrîbane qetil kerd 24ê Nîsane de ame tepiştiş û aye şawitî zîndan.

Roniştişê yewin 7ê kanûne de yo

 

Derheqê Metîn Şengilî ke Mîhrîbane qetil kerde de hetê Serdozgerîya Komare ya Şirnexî ra îddianame ame amadekerdiş û ame waştiş ke versuc Metîn Şengîl bi cezaya muebbetî bêro cezakerdiş. Îdianameyê ke ame amadekerdiş de ame diyarkerdiş ke versuc dimayê serebûtê 21ê Nîsane, 24ê Nîsane de ameyo tepiştiş. Ame waştiş ke versûc Metîn Şengil hemverê Mîhrîban Şengîla ke qetil kerde, bi îdiayê ‘Bi zanebîyayîş kiştişî” û semedê kênaya Mîhrîbane, Tûana ke demê serebûtî birîndar kerda zî semedê sûcê "Bîyo sebebê ke cuya tute bikewa tehluke bi çeke bi qesd birîndar kerdo” de bêro muhakemekerdiş. Îdianameyî de xêrcê îfadeyê versûc û şahidan raporê otopsîyî zî ca girewtî. Roniştişê yewin ê dewaya kiştox Metîn Şengîl ke semedê Mîhrîbane qetil kerd do 7ê Kanûne de bêro vînayîş.

 

Roja serebûtî 

 

Waya Mîhrîban Sevîm Alturk derheqê serebûtî de qisey kerd û dîyar kerd ke bi serran o Metîn Şengîl îşkence waya ci rê kerda û vat: “Waya mi roja serebûtî bi tuta xo ra şî sûke. Dima ra wesayîtêk vernîya ci girewt. Waya mi fam kerd ke o Metîn o û bi lez û bez tuta xo kerde verika xo. Waya mi bi kênaya xo dir pêwa ke rema, Metînî 3 gule ci rê rijna. Tuta ci zî birîndar bî. Dima ra ma aye berd çend nêweşxaneyan gêrna û waya mi semedo ke zêde gonî şî, dinyaya xo bedelnaye. Metîn, dimayê ke waya mi qetil kerd, embazê ci aye nimitê la dima ra ame tepiştiş.”

 

‘Ez nêwazena cinîyê ke yenê qetilkerdiş ra yew biba’

 

Sevîme dîyar kerd ke aye wazena versûcî bi cezayê tewr giranan bêrî muhakemekerdiş û vat: “Ez wazena derheqê na babete de cezaya tewr giran bêra dayîş. Waya mi rojanê peyênan de xeylê bêvenge bî û hîssin bî. Mi aye ra perskerdêne qey wina ya. Aye zî vatêne ‘her roje televîzyon de xeberê qetilkerdişê cinîyan estî, do Metîn zî peyêna peyêne mi bikişo. Ez nêwazena cinîyê ke yenê qetilkerdiş ra yew biba’. Ma vatêne nê do ti wina nêba. La bawer nêkerdêne û hertim hîs kerdêne ke do çîyêk bêro sereyê aye. Aye êdî bêumud mendebî.”

 

'Derheqê kiştoxî de cigêrayîş nêkerdî’

 

Sevîme da zanayene ke Mîhrîbane bi desan reyan gerreyê Metîn Şengîlî kerde la tu feyde nêkerd û qiseykerdişê xo wina domnaye: “Metîn xeylê reyan bi waya mi îşkence kerd. Seba ke aye bikişo xeylê reyan cerabra. Rayêk verê çimanê ma de kardî da qirikê waya mi ro. Hertim pê keyeyê waya mi rê geh wendêne. Waya mi xeylê reyan seba ke îşkenceyê ci ra bixelesîya hewl daye ke xo bikişa. Polîsan qerarê dûrîkerdişî dabî la reyna zî kiştox ameyêne gef bi waya mi waya wendêne û polîsan çîyêk pê nêkerdêne. Heta ke waya mi nêameye qetilkerdene kiştox qet nêame destbendkerdene yan zî derheqê ci de dewaye nêame akerdene. 

 

Seba roniştişî veng

 

Sevîme qiseykerdişê xo yê peyênan de seba tewrbîyayîşê roniştişê yewine yê dewaya Metîn Şengîlî veng da û vat: “Waya mi şî la wa êdî cinîyê bînî nêrî qetilkerdiş. Wa cinî heqê xo bipawî. Ma seba dewaya 7ê kanûne veng danî û vanî ke wa cinî û dezgehanê cinîyan paştî bidî dewaya qetilkerdişê waya mi. Dejê ma xeylê teze yo û ma xeylê ver kewenî. Domanê waya mi hema zî dayîka xo persenî. Roniştişê dewaye de ma tena vera medêne.”