ÎZMÎR - Meclîsê Cinîyan ê HDPyî prosesê çalakîyan ê 25ê Teşrîna Peyêne Roja Têkoşînê Vera Şîdetê Serê Cinîyan Îzmîr de da destpêkerdene.

 

Meclîsê Cinîyan ê HDPyî Îzmîr de kombîyayîşêkê çapemenîye serûber kerd, prosesê çalakîyanê 25ê Teşrîna Peyêne Roja Têkoşînê Vera Şîdetê Serê Cinîyan da destpêkerdene û vat: ''Vera şîdet, şer û xizanîye ma sere wedarnê.''

 

Eşkerayîye de wina ame vetene:

 

“Çar hetanê dinya de vera şîdetê camêrd-dewlete, pederşahî, şer û xizanîye cinîyî meydan de yê û vat: ''No serewedaritiş ewro kuçeyanê Îranî de bîyo Jîna, Şîlî de bîyo Las Tesis, Meksîka de bîyo Ni Uno Menos, Kurdîstan û Rojhelatê Kurdîstanî de bîyo 'jin, jiyan, azadî.' Têkoşînê cinîyan beno pîlêr, vera her tewirê astengîye bi paştdayîşê çar hetanê dinya dewam keno.''

 

Îqtîdaro ke dişminîyê cinî û LGBTÎ+ keno, rayîr verê kiştiş û tecawuzî akeno. Vera ke sûcdaran ceza bikero, rayîr vera mîtîngê hemverê LGBTÎ+yan akeno.

 

Şer seba pêro cinîyan yeno manaya xizanî, şîdet, tecawuz û şîdetî. Îqtîdar xîret keno ke bi şer û kaosî nînan weye bikero û îqtîdarîya xo rê dewam bikero. La têkoşîn û serewedaritişê cinîyan vera ci yo. 25ê Teşrîna Peyêne de ma vera şîdet, şer û xizanîye sere wedarnê. Her ke îqtîdar hêrişê ma keno ma hende xo ver bidê, têkoşîn bikerê û vengê xo berzêr bikerê.

 

Ma bi şîarê 'jin, jiyan, azadî' do vejîyê waran. Şîdetê camêrdan rê vajê 'no pasaran.' Ma hêzê xo yê rêxistinbîyayeyî bimojnê, do cuye bivurnê. Têkoşînê azadî û têdûştîye yê cinîyan do ser bikewê. Jin, Jiyan, Azadî.”