ANQARA - DMMyî derheqê Fîgen Yuksekdag û 13 parlamenterî de qerarê binpaykerdişî da. Avûkate Ezgî Gungordu da zanayîş ke qerar de parlamenterê HDPyî do qerarê binpaykerdişî ameyo dayîş û Tirkîya ra vato, ‘qerar bi ca bîyare.

 

Dadgeha Heqê Merdiman ê Ewropayî (DMME) derheqê serdayîşê seba hemsereka pêroyî ya verê ya Partîya Demokratîke ya Şaran (HDP) û 13 parlamenteran de ameyo kerdiş de qerar da. Muracatê ameyo kerdiş de girêdayeyê tepiştişê Fîgen Yuksekdag û parlamenteran de qerar ame dayîş ke 18ine maddeyê Peymana Heqê Merdiman ê Ewropa (AÎHS) ameyo binpaykerdiş. DMMEyî sewbîna Tirkîya bi 184 hezar û 600 Euro tazmînatê manewî mehkum kerd.

 

Avûkate Ezgî Gungordu derheqê qerarê DMMEyî de ercnayîş kerd.

 

‘Qerarê binpaykerdişî yo’ 

 

Ezgîye dîyar kerd ke hetê girîng yê nê qerarî no yo ke DMMEyî maddeyê 18ine qerarê bi komî yê binpaykerdişî yo û wina vat: “Qerarê binpaykerdişî azadîya heq û heqê weçînayîşî da. Yo muhîm zî a goreyê maddeyê 46ine qerar da ke ganî bêrê veradayîş. Qerar de ame dîyarkerdiş ke Tirkîya hetêk DMMEyî ya û muxatabê heme qerar û caardişan a. DMMEyî yewin rey maddeyê 18ine de qerarê binpaykerdişî da.”

 

DMMEyî waşt ke sîyasetmedarî bêrê veradayîş

 

Ezgî wina vat: “Selahattîn Demîrtaş û Fîgen Yuksekdage serra 2016ine ra heta nika yenê muhakemekerdiş û yew babeta ra yenê muhakemekerdiş, çalakîyê 6-8ê teşrîna verêne yê. Demê hetê 22ine Dadgeha Cezaya Giran ya Anqarayî de dosya ameye akerdiş, ma dadgehe ra vat, ‘tîya de muhakemeyêkê mukerrer esto’. Dosya ke 2016ine ra heta nika dewam kerda, sey dosyayêke newe akerdî û dayî verê ma. No hemverê dewaye yo. Cigêrayîşê hetê DMMEyî ra ameyo kerdiş de, tweetê ke HDPyî serebûtê 6-8ê teşrîna verêne de eşto. Seba ê tweetî ameyê cigêrayîş. Hem qerarê derheqê Fîgene hem zî yê Selahattîn Demîrtaşî de û hem zî yê parlamentere bînan de reyna cigêrayîş ameyo kerdiş. Seba nê zî nê her di dosyayan zî eleqedar keno. Babeta her di dosyayan seyyewbînan a. Muhakemekerdişê mukerrer dewam keno. 4 serrî dima îstînadê sûcî vurnayî û newe ra dewa akerdî. DMMEyî derheqê ke çalakî esasê sûcî hewênena yan nê reya diyîn cigêrayîş kerd û vat parlamenterê HDPyî azadîya fikrî ra bêpar ameyê verdayîş û seba nê kesî sîyasetmedar ê, binpaykerdişê weçînayîşî zî esto. DMMEyî bi eşkera wina vat ‘Do parlamenterê HDPyî bi kam ci amancê siyasî tepişti, do goreyê berjewendîyê xo girewtî, no hemverê qerarî yo.”

 

Tahliye waştî

 

Ezgiyê dîyar kerd ke esasê qerarî de tahliyeyê Fîgene waştişî yo û hîrê aşmî prosesê îtîrazî yê hukmatî esto û paweyê ci yê. Ezgîye wina vat: “Heyetê dewaya Kobanî zî do paweyê nê qerarê hîrê aşman bo û peynîya nê hîrê aşman de qerarê tehliye ferz o. Rewşa ke Tirkîya na babete de gamêke somut nêerzo, seba hemverê peymane do seba Tirkîya caardişî bikewê dewre. Umud kena Tirkîya demêk nêzdî de qerar bi ca bîyaro.”