AMED - Zîndanê Cinîyan ke rojnamegere Derya Ren zî ci de manena, eştî serê qawîşan û dest dayî serê notanê tepişteyan û vatî ke ê do rayîr nêdê destnuşteyan.

 

Her ke binpaykerdişê heqan û tecrîdê zîndanan kûr beno, her roje binpaykerdişêkê newe yê heqan vejîyeno werte. Zîndanê Cinîyan ê Amedî ke teda ci de zêde bîyê, nê demê peyîn de gardiyanî erzenê serê qawîşan.

 

Notê ci ameyî desteserkerdiş

 

Ame dîyarkerdiş ke nêzdîyê 20 gardîyanan eşto serê qawîşa ke rojnamegere Derya Rene ci de mendêne ke bi sereştişê diyîne yo. Sereştiş de deftere ke Derya ci de mektube nuştebî ame desteserkerdiş. Defterê ke tepişteya ke seba nuştiş û wendiş bimusa, nuşteyê serê têkoşînê cinîyan, defterê tepişteyê ke amadekarîya îmtîhanî kerdêne, ameyî desteserkerdiş.

 

Notan rê destûr çin o!

 

Heme notê destan ê tepişteyan ame  desteserkerdiş û destûr nîno dayîş ke notî bêrê nuştiş. Sewbîna ame dîyarkerdiş ke sereştişê ewilî yê qawîşe de 20 defter û sereştişê vizêr ke ameyo kerdiş de zî 80 kitabî hetê gardîyanan ra ameyê desteserkerdiş.