Melike Aydin

 

ÎZMÎR - Cinîyan reaksîyon vera hêrişê dewleta tirkan ê serê Kobanî mojnayî û wina vatî: "Kobanî yê Kobanîyan o."

 

Dewleta tirke 20ê Teşrîna Peyêne de bi teyareyê şerî hêrişê serê Vakur û Rojhelatê Sûriye kerd. Sewbîna Kobanê de Şehba Zirgan û Qendîlê Başûrê Kurdistanî bombavaran kerd. Yew ci ra rojnameger 14 kesî ameyî qetilkerdiş. Çar hetê Kurdistanî de Ewropa de nêrazîbîyayîş û reaksîyonê hemverê hêrişan dewam kenê. Cinîyê ke hêrişan erjnayî vatî, Kobano ke DAÎŞî vînî kerd, têkoşînêk pîl ame dayîş û Kobanê ê kesê ke uca de ciwîyenî yo.

 

'Hedef destkewtişê kurdan o'

 

Hemsereka HDPyî ya Îzmîrî Berna Çelik dîyar kerd ke hêriş ne tena seba amadekariyê weçînayîşî yo û vat: “Kobanê de hemverê DAÎŞî têkoşînêk pîl amebi dayîş. Stenbol de senaryoyêk ame nuştiş û no senaryo beşê ewil de peynî bi. Çike her kesî zanayîne ke no teqayîş seba çi û kamî kerd. Rêxistinê girseyîyê demokrasîyî wayîrê hişmendî yê. Parekerdişê serê medyaya dîjîtale de diyar bi ke AKP çiqasî tengasî de yo. Hedef destkewtişê kurdan o. Hêrişê serê Kobanê hemverê şoreş û îradeyê cinîyan bi.”

 

'Ê do sernêkewê’

 

Dayika Aştiye Hanim Sever zî wina qal kerd: "Ê çiqasî hêriş bikerê zî nêeşkenê serbikewê. Bi serran kurdan qetil kerdî, gelo serkewte bî? Kobanê pêwa bombavaranî nêkewt. Ma heqê xo wazenê. Kobanê yê kesêkî nîyo, ê yê ke uca de ciwîyenê yo. Nê faşîstî xo bi gonî wayîr kenê. Ganî ma uca bipawê. Keyeyan rijnenê, heywanan kişenê, wazenê şarî vêşan verdê. La ê do sernêkewê.”

 

'Hêrişê hemverê şorişê cinîyan o’ 

 

Endama Paştîdayîşê Morî Deniz Usluye vat ke şerê Rojhelato Mîyanenî bedelîyayo qirkerdişê kurdan, domanan û cinîyan û wina dewam kerd: “Hêrişê serê Rojawanî asan nîyo. Cuya me pêronan keno tehluke. No hêrişê hemverê şorişê cinîyan o, DAÎŞî no şoriş têk berd. Nê hêrişî reyde dişmentîya xo ya hemverê kurdan eşkera kenî. Seba kesê ke peynîya hêrişê leşin yê Stenbolî de yî bivejîyî raşte ma do xover bidî.”

 

'No parçeyêke şerê emperyalîstî yo’

 

Têgêrayîşê Cinîyan yê Sosyalîst (SKH) Sibel Yaşare da zanayîş ke hêrişê îqtîdarî yê hemverê Kobanê netîceyê şerê emperyalîstî yo û wina vat: “Rejîmê qesrî seba xo bi hêz bikero Stenbol de teqayîş pê ard. Mas ey cinî zanê ke no parçeyê şerê emperyalîstî yo.”

 

'Ganî polîtîkaya teberî cinî rayra bibî’

 

Endama Partîya Çepî ya Keske Sevgi Akgule dîyar kerd ke dinyaya ke muzafakarî bibî de cinî bena hedef û vat: “Şer tewr zêde tesîrê xo bi cinî û domanan ser de keno. Mas ey cinî hemverê her tewirê şerî de vindenî. Ganî heme welat fek polîtîkaya şerî ra vera bido. Ganî polîtîka teberî cinî rayra bibî.”