STENBOL - Dozgerî rojnamegere Reyhan Çapana ke Mudûra Karê Nuşteyî yê Rojnameyê Ozgur Gundemî bî, ceza waşt. 

 

Rojnameyê Ozgur Gundemî serra 2016ine de bi Qerarnameyê Hukmê Qanûnî de amebi tepiştiş. Rojnamegere Reyhan Çapan zî demêkê Mudûra Karê Nuşteyî yê rojnameyî bî. Reyhane seba xeberanê rojnameyî yena muhakemekerdiş. Roniştişê dewaya Çapan 2yîn  Dadgeha Cezaya Asliye ya Stenbolî ame kerdiş. Reyhane tewrê roniştişî nêbî û avûkatê aye Ozcan Kiliç amade bi. 

 

Dozgerî derheqê dewa de mutalayê xo pêşkêş kerd û waşt Reyhane bêra cezakerdiş, avukat Ozcan Kiliç hemverê mutalayî de qisey kerd û hemverê waştişê ceza vejîya.

 

Heyetê dadgehe dîyar kerd ke wekîlê terefî derheqê  dosyeyî de mezaret pêşkêş kerd û roniştişê taloqî 14ê adara 2023yan kerd.