ŞEHBA – Cinîyê herêma Efrînî yê koçberê bajarokê Til Rifetî yê kantonê Şehbayî de yê, qetî kerdî ke hemverê hêrişê îşxalkerdişî şer bikerê û xoverdayîşê înan do dişmin rê bibo cewab.”

 

18ê Adara 2018ine de dewleta tirke û komê girêdayeyê ci kantonê Efrînî de dimayê xoverdayîşê Efrînijan ê 58 rojan, kerdî binê destê xo û bi hezaran roniştişê Efrînî seba îşxalkerdişî serê xo qebûl nêkerdî, koçê kantonê Şehbayî bî û bi panc serrî welatijê Efrînî Şehba û bajarokê Til Rifetî bê mabên xo ver danê. La reyna zî  hêriş û topvaranê dewleta tirke xilas nêbîyê û rojane hêriş yenê kerdiş. Nê rojê peyîn de zî dewleta tirke bi teyareyê xo yê şerî Şehbayî heta Dêrikî bi xidarî topvaran keno û qirkerdişan zî derheqê sivîlan de pê ana. Cinîyê Efrînîjî yê koçî bajarokê Til Rifetî bîyê helwestê xo ajansê ma rê ardî ziwan.

 

'Xoverdayîşê ma do hêrişê înan rê bibo cewab’

 

Eliya Hec Xelîl dîyar kerd ke bi çend rojî yo teyareyê dewleta tirke asîmanan gêrenê û topvaran kenê û wina vat: "Bi çend rojî yo ke dewleta tirke seranserê herême Vakur û Rojhelatê Sûrîye bi teyareyê xo yê şerî topbaran kena. Erdogan bi panc serrî yo hêrişê Til Rifet û herêmê bînan keno. Çendî qirkerdiş Til Rifetî de derheqê sivîlan de pê ardê. Dewleta tirke wazena Til Rifetî û herêmê bînan zî bikerê binê hekîmîya xo. Wa qet nê çî xeyal nêkera û do tu wext nêresa xeyalanê xo. Nika Dêrik de zî qirkerdiş kerd û reyke bîn sîvîlan hedef girewt. Şehba ra heta Dêrik kerda hedefê xo û bi xidarî hêrişê ma kena. Dewleta tirke wazena ma tîya ra zî koçber bikera la ma do heta peynîye Til Rifet û Şehba de xo ver bidê û fek têkoşînê xo ra vera nêdanê. Ma do bi çalakî û xoverdayîşê xo hêrişê înan rê bibê cewab.”

 

'Ma şer tesdîq nêkenê’

 

Erîfa Mihemed zî qetî kerd ke nê hêrişê ke yenê meydan vera çimanê dinya de yenê meydan û wina vat: “Hêrişê ke dewleta tirka îşxalkere serê ma de ana, vera çimanê dinya de yenê kerdiş û ê zî bêveng ê. Bêvengîya dewletan a nê hêrişan de yeno manaya hemkarî. Heta îşxalkerdişê Efrîn û koçberbîyayîşê sivîlan de zî hemkarê dewleta tirke yê. Ma do pawitişê xo bikerê. Ma aştî û hizûr wazenê û sewbîna waştişê ma agêrayîşê ca û warê ma yo.”

 

'Ma do hemverê dişminî xo ver bidê’

 

Hûriyê Mihemed ke aye zî Til Rifetî de bi ca bîya dîyar kerd ke dewleta tirka îşxalkerdoxe bi çend rojî yo cuya înan kewta têmîyan û vat: “Seba teyareyê dewleta tirka îşxalkerde û hêrişê ci ra bi çend rojî yo cuya gênaya têmîyan ro. Rojane hêrişê ma kena û wazena ma tîya ra koçber bikera. Eynî wextî de Erdogan seba çinkerdişê nasnameyê kurdan serê rîyê erdî de her wext mîyanê tevgerî de yê. Ma kurd ê û wayîrê heqî yê. Ma hemverê hêriş û şerê ci de xo ver bidê, eke ma dayîkan bo zî ma hemverê dişminî de şer bikerê û teslîmetî qebûl nêkerê.”