MERKEZÊ XEBERAN - Platformê Cinîyê Kurdî yê Yewtepişte dîyar kerd ke hêrişê xoverdayîşê cinîyanê kurdî ra tersenî û wina vat: “Cinîya kurd sere nêrona, serkêşî kerd.”

 

Platformê Cinîyê Kurdî yê Yewtepişte bi wesîleya 25ê Teşrîna Peyêne Roja Têkoşînê Vera Şîdetê Serê Cinîyan eşkerayîyêke nuştekî da. Platform bale ant têkoşînê cinîyan yê hemverê sîstemê îqtîdarî, şer, camêrdperest, şîdetê camêrdî ser û vat ke ê tarîx ra nata ber bi ewro rêkoşîn danî û do têkoşînê xo dewam bikerî. 

 

'Cinîyan têkoîn da û têkoşînê xo dewam kenî’

 

Platform eşkerayîya xo de şîdetê hemverê cinîyan şermizar kerd û da zanayîş le şîdetê serê cinî, şîdetê serê komelî yî. Platform heme cinîyê têkoşer û xoverdayoxî rê serkewtiş waşt. Dewamê eşkerayîye de bale ancîya têkoşînê cinîyan yê daîmî ser û wina ame vatiş: “Tarîx ra heta ewro hemverê îqtîdar, şer, sîstemê camêrdî û çinîhesibnayîşî de cinîyan têkoşîn da û têkoşînê xo dewam kenî.” 

 

'Dagirkerî hewl danî cinîya kurde şexsîyet û ercanê aye ra dûrî bikerî’ 

 

Platform serê kiştişê Jîna Emînîye ke hetê ‘polîsanê exlaqî’ yê rejîmê Îranî ra ameye qetilkerdiş de vindert û da zanayîş ke qetilkerdişê aye bî sebebê serewedarnayîşî ke rejîmî lerznena. Dewamê ci de Platform ard vîr ke hêzê dagirkerî xoverdayîşê cinîye ra tersenî û cinî benê hedefê înan û vat: “Başûrê Kurdistanî de Nagihan Akarsele hetê ajananê dewleta dagirkere ra ameye qetilkerdiş. Leyla Guven û Ayşe Gokhane zî tede bi seyan cinîyê sîyasetmedaran kerdî zindanan. Heto bîn de cinîyê kurdî yê êzidî destê DAIŞî de yî û bêvengîyêke tersî esta. Dagirkerî hewl danî ke cinîya kurde şexsîyet û ercanê aye ra dûrî bikerî. Hemverê cinîye de tîryak, bêvîrker, destdergê û hêrişan şixulnenê ke cinîye bêerc bikero.

 

'Cinîyî bi şîdet û qirkerdişî reyde rî bi rî manenê’

 

Dergîya eşkerayîye de Platformî dîyar kerd ke cinîyî tena 25ê Teşrîna Peyêne de nê, bi serran o hemverê serdestî û çinhesibnayîşî de xo ver danê û wina vat: “Bi serran o ke cinîyê kurdî, seba komelêke azad û exlaqî, seba têduştîya cinsî û xobîyayîşê, hemverê nîjadperestî, xoverdayîşêkê bêhempa danê. Leyla Qasim, heta Sara, Sêvê, Nagîhan Akarsel û Jîna Emînî Kurdistan de cinî her wext bîyê hedefê sîstemê camêrdî. Cinî sîstemê camêrd. Cinî bi şîdet û qirkerdişê rî bi rî mendê. La cinîya kurde tu wext sere nêtewênaya û her wext zî rayberîya têkoşînî kerda.”

 

Bale antî serê yewîye

 

Peynîya eşkerayîya xo de Platformî serê girîngîyê yewvengîya kurdan vindert û wina vat: “Îşxalkerdoxî tehemûlê destkewtişê cinîyan nêkenê, hêrişê Rojawanî kenê û destkewtişê cinîyan desteser kenê. Xoverdayîşê cinîyê kurdan bi sloganê, 'jin, jiyan, azadî' heme dinya de vila bi. Seba pawitişê destkewtişê şarê kurdî û azadiya kurdan, çareseriya bingehîn hemverê şîdet û polîtîkayê çinhesibnayîşî yê serdestan bi rayberîya cinîyê kurdî Yewîya Neteweyê Kurdî yo! Kurdno êdî bibê yew.”