ANQARA - Endama PMyî ya HDPyî Perîhan Agaoglu dîyar kerd ke bi girankerdişê tecrîdî reyde serê îradeyê cinî de şerêkê ameyo destpêkerdiş û her ke tecrîd giran beno metodê şerî zî cîya beno.

 

Hetê Serdozgeriya Komare ya Anqarayî ra bi îdiayê ‘endamîya rêxistine’, ‘îdarekarîya rêxistine’, ‘propagandaya rêxistinekerdiş’ û ‘rêxistinê rê ekonomî peydakerdiş’ çarçewaya cipersayîşê rayîr ra şîyayîşî de 14 bajaran de bi hawayêkê hemdem de sereştişê 57 cayan de kerd. Sereştişê keyeyê ke verê bi îfadeyê şahidê nimite û şahidê eşkera, raporê HTS û MASAKî amebî kerdiş, hacetî amebî desteserkerdiş û netîceyê cigêrqyîşî de derheqê 50 cinîyan de qerarê tepiştişî estbi. Sereştişê keyeyan de 19 cinî ameyî destbendkerdiş.

 

Endama Meclîsê Partîya (PM) ya Partiya Demokratîke ya Şaran (HDP) Perîhan Agaolgu derheqê hêriş û operasyonê hemverê cinîyanê kurdan de ercnayîş kerd. 

 

Perîhane da zanayîş ke hêzê emperyal şerê parekerdişî kenê, waştê nê Rojawan de bidê destpêkerdiş û bi şorişê cinî nê prosesî peynî kerdo û vat: “Hemverê fikrê Rayberê Şarê Kurdî komployêk newe ame destpêkerdiş. Prosesê Rojawanî de têkoşînê cinîyê kurdî mohrê xo têkoşînê cinîyê dinya da. Rojhelat hemverê rejîmê Molla nika şoriş yeno dayîş. Vakur û Rojawan de her çar hetê Kurdistanbîyayîşêk xurt ê cinîyê Kurdî esto.”

 

‘Vengê lingê rejîmêkê newe’

 

Perîhane bale ant serê hêrişê hemverê xoverdayîşê cinî û dîyar kerdî ke demê îqtîdarî nêeşkeno hemverê cinî serbikewê û wina vat: “Siyaset, qanûn sey hacetê hukmî şuxilêno û hewl danê bi cinîyan sere bidê tewênayîş, teslîm bigîrê û bi nê sînyalî rejîmêk newe danê. No şer hemverê rêxistinbîyayîşî cinî yê. Ma  bernameyê 25ê teşrîna peyêne de bi şîdet û hêrişê ke ame kerdiş no baş dî.”

 

‘Hemverê îdeolojî cinîyan şer ame destpêkerdiş’

 

Perîhane bale ant serê rolê TJAyî yê cinîyan û vat: “Mabêne dîyayîş û pratîkî de cîyayî estê. A cîyayî zî ma sey TJA da mojnayîş. Destpêkerdişê xoverdayîşê Jîna Emînî çîyêk rêze yan zî rojêke, aydê demêk o. Bi serran o cinî hemverê zîhniyetê serdestî de têkoşîn kenê. Binê şerî de hemverê cinîyan de şerê îdeolojîk esto. Belkî tarîxê dinya de çîyêk yewin la hemverê cinî şerêkê îdeolojîk yê cidî dest pêkerdo.”

 

‘Hêrişî tesaduf nîyê’

 

Perîhane dewqm de wina vat: “Erdogan eşkerayîya peyîn de seserra peyîn dano naskerdiş la ci de cinî çin ê. Vernî de plansazîyêk weçînayîşî esto, sey babeta bîyayîş û çinbîyayîşî ewnîyenê. La ma wina nêerjnenê. Weçînayîş seba meşrutiyetî girîng o. Îqtîdar yeno welatêk rayra beno la serê kam ci esasî de kenê o girîng o. Krîzê zaf hetî de nê verasîya şerî de atmosferê weçînayîşî de ewil hêrişê cinîyan kerdî. Çîyê ke Taksîm de benê tesadufîn nîyê. Qetilkerdişê Embaza Nagîhane zaf zelal o. Qetilkerdişê Jîna Emînî tesaduf nîyo.”

 

‘Her ke tecrîd giran beno metodê şerî zî cîya benê’ 

 

Perîhane tewr peyîn wina vat: “Bi girankerdişê tecrîdî reyde serê îradeyê cinî şerêkê caardişê newe vejîyayo werte. Her ke tecrîd giran beno metodê şerî cîya beno. Hetê komployê mîyanneteweyî zî giran beno. Hemverê nê pîlkerdişê xeta têkoşînî girîng o. Çîyo ke bêro kerdiş oyo ke ganî ma wayîrê prosesî vejîyayî. Eke cinîyê kurdî serbikewê do heme cinî serbikewê. Ma her yew delegeyê TJAyî yê. Ma TJAyî yê. Ez venga heme kesî kena, bêrê ma pîya têkoşînê xo pîl bikerê.”