MERKEZÊ XEBERAN - Cinîyê 4 parçeyê Kurdistanî ke 21ine Kongreya Neteweyî yê Kurdistanî (KNK) de ameyî têhet, dîyar kerdî ke bi sloganê "Jin jiyan azadî" şorişê cinî estê û venga heme şarê Kurdî kerdî ke wayîrê nê vejîyê.

 

Qiseykerdişê kongreyê 21ine ê KNKyî de temsîlkarê partî û sazgehê Kurdistanî hemverê hêrişê îşxalkerdişî de venga yewîye kerdî. Cinîyê Kurdî kongre de venga her kesî kerdî ke dorê şorişî de bi rayberîya cinîyan, kom bibê.

 

Serê nameyê PYDyî de Asya Abdullah, serê nameyê Tevgerê Cinîyê Kurdî Selma Irmak, Temsîlkara YNKyî, şaîre û nuştoxe Dîmen Sohrabî û Hemsereka Tevgerê Azadîya Başûrê Kurdistanî Tara Husen kongreyî de qisey kerdî. Cinîyan dîyar kerdî ke hêrişê serê şarê Kurdî sewîyeya tewr cor de yeno ciwîyayîş û vatî, “Bi rayberîya cinîyê Kurdî xoverdayîşêkê esto.”

 

Cinîyan venga temamê komelî kerdî ke dorê sloganê "Jin, jiyan, azadî" xo ver bidê.